ఫ‌స్ట్ లుక్కులు, పండ‌గ లుక్కులు, పుట్టిన రోజు లుక్కులు.. ఇలా ఫ్యాన్స్‌కి కిక్ ఎక్కించ‌డానికి ఎన్ని ట్రిక్కులో! ఇది వ‌ర‌కు ఫ‌స్ట్ లుక్ అంటే.. ఓ సంబ‌రంగా ఉండేది. ఇప్పుడు రోజుకో లుక్కు. ప‌వ‌న్ క‌ల్యాణ్ కాట‌మ‌రాయుడుకి సంబంధించి రెండు మూడు స్టిల్స్ బ‌య‌ట‌కు వ‌చ్చేశాయి. అవి సాదాసీదాగా ఉండ‌డంతో ప‌వ‌న్ ఫ్యాన్స్ కూడా నిరుత్సాహ‌ప‌డిన మాట వాస్త‌వం. జ‌న‌వ‌రి కానుక‌గా పవర్ స్టార్ ఇంకో లుక్కు ఇస్తార‌న‌గానే అన్ని లుక్సూ అటువైపు మ‌ళ్లాయి. కనీసం ఈసారైనా.. ప‌వ‌న్ ఫ్యాన్స్‌ని ఖుషీ చేసే ఐటెమ్ ఏదో రాబోతోంద‌ని ఆశ‌ప‌డ్డారు. కానీ.. ఈసారీ నిరాశే ఎదురైంది. ప‌వ‌న్‌న‌డుచుకొంటూ వెళ్తున్న స్టిల్ ఒక‌టి రిలీజ్ చేశారు. అందులో రెండు కాళ్లు మాత్ర‌మే క‌నిపిస్తున్నాయి. ఇదేదో పార‌గాన్ చెప్పుల యాడ్‌లా ఉంది గానీ సినిమా లుక్కులా లేద‌న్న‌ది వాస్త‌వం. బ‌హుశా ఈ లుక్కు చూసి ప‌వ‌న్ ఫ్యాన్స్ మ‌రోసారి కిందామీద ప‌డిపోయి.. ఎవరికి చెప్పుకోవాలో తెలీక ఆ బాధ‌ని లోలోప‌లే దిగ‌మింగేసుకొని ఉంటారు. క‌డుపు చించుకొంటే.. చెప్పుల‌మీద ప‌డుతంద‌ని.
ఇప్ప‌టికే ఈ సినిమాలో ప‌వ‌న్ గెట‌ప్, మీస‌క‌ట్టు ఎలా ఉండ‌బోతోందో తెలిసిపోయింది. అదేం సీక్రెట్ కానేకాదు. అలాంట‌ప్పుడు వ‌వ‌న్ గెట‌ప్ దాయాల‌న్న మిష‌న్ ని దిగ్విజ‌యం చేయాల‌ని కాళ్లు ఒక్క‌టే చూపించారెందుకో అర్థం కాదు. ప‌వ‌న్ పాదాలు దివ్య పాదాలు, పుణ్య‌పాదాలు అని అభిమానులు మురిసిపోతార‌ని డాలీ అండ్ కో భావించి ఉంటారు. ఇంకా ఎక్క‌డున్నాం మ‌నం? పాత సినిమాల్లో హీరో ఇంట్ర‌డ‌క్ష‌న్ ఇలానే ఉండేది. ముందు కాళ్లు చూపించేవారు. ఆ త‌ర‌వాత మోకాళ్లూ. ఆ త‌ర‌వాత బెల్టూ, ఆ త‌ర‌వాత ష‌ర్టు బ‌ట‌న్సూ.. ఆ త‌ర‌వాత ఫేసూ. అప్పుడు విజిల్స్ పడేవి. అంత కాలం ఎదురుచూసే ఓపిక ఇప్ప‌టి అభిమానుల‌కు లేదు. ఇప్ప‌టి వ‌ర‌కూ కాట‌మ‌రాయుడుకి సంబంధించి వ‌చ్చిన పోస్ట‌ర్లలో ఇదే వ‌ర‌స్ట్‌.. దీనిపై ప‌వ‌న్ ఫ్యాన్స్ ఎలా రియాక్ట్ అవుతారో చూడాలి.
