ప‌వ‌న్ క‌ల్యాణ్ – క్రిష్ కాంబినేష‌న్‌లో ఓ సినిమా రాబోతున్న సంగ‌తి తెలిసిందే. ఈరోజే ఈ చిత్రానికి కొబ్బ‌రికాయ కొట్ట‌నున్నారు. ఉద‌యం 7.30.ల‌కు ముహూర్తం నిర్ణ‌యించారు. పూజా కార్య‌క్ర‌మాల‌కు ప‌వ‌న్ క‌ల్యాణ్ హాజ‌రు కానున్నారు. అయితే రెగ్యుల‌ర్ షూటింగ్ మాత్రం ఫిబ్రవరి 4 నుంచి మొద‌లుకానుంది. తొలి షెడ్యూల్‌లో ప‌వ‌న్ లేకుండానే షూటింగ్ జ‌ర‌గ‌నుంది. పింక్ సినిమాలో ప‌వ‌న్ పార్ట్ పూర్తయ్యాకే.. ఈ సినిమా షూటింగ్ లో పాలుపంచుకున్నాడు. హైద‌రాబాద్‌లోని అల్యూమినియం ఫ్యాక్ట‌రీలో ఈ సినిమా కోసం కొన్ని సెట్స్ ని రూపొందించారు. తొలి షెడ్యూల్ మొత్తం అక్క‌డే జ‌ర‌గ‌బోతోంది. పాన్ ఇండియా స్థాయిలో ఈ చిత్రాన్ని విడుద‌ల చేయ‌నున్నారు. దాదాపు 100 కోట్ల బ‌డ్జెట్ కేటాయించారు. కీర‌వాణి ఈ చిత్రానికి సంగీతం అందిస్తున్నారు. క‌థానాయిక‌లు, ఇత‌ర న‌టీన‌ట‌లు సాంకేతిక నిపుణుల వివ‌రాలు తెలియాల్సివుంది.