పవర్ స్టార్ పవన్ కళ్యాణ్ ఇప్పుడు ఇంకా స్పీడ్ పెంచాడని తెలుస్తుంది.. ఇటీవల రిలీజ్ అయిన సర్దార్ గబ్బర్ సింగ్ థియేటర్స్ లో సందడి చేస్తుంటే ఎటువంటి గ్యాప్ తీసుకోకుండానే ఈ నెల చివర నుండి మరో సినిమాకు ముహుర్తం పెట్టేస్తున్నాడట పవన్ కళ్యాణ్. ఈ మధ్య వరుసెంట ఇస్తున్న ఇంటర్వ్యూలో ఈ విషయాన్ని తానే స్వయంగా చెప్పారు పవన్.
ప్రస్తుతం ఎస్.జె.సూర్య, త్రివిక్రంలతో వరుసెంట సినిమాలు చేస్తున్నానని చెప్పగా.. ఈ నెల 29నాడే ఎస్.జె సూర్య సినిమా ముహుర్తం ఉంటుందని టాక్. ఖుషికి సీక్వల్ గా తీసే ఈ సినిమాకు ఖుషి-2 అని పరిశీలణలో ఉంది. ఎస్.జె సూర్య, పవన్ కాంబినేషన్ లో వచ్చిన ఖుషి ఓ రేంజ్ లో హిట్ అవ్వగా తర్వాత వచ్చిన పులి ఫ్లాప్ గా మిగిలింది. దర్శకుడు చెప్పిన కథ నచ్చడంతో మరోసారి తనతో సినిమా తీసేందుకు సిద్ధమయ్యాడు పవన్. అంతేకాదు వచ్చే ఎన్నికల్లో పోటీగా జనసేనను రెడీ చేసేందుకు గాను తాను సినిమాలను త్వరగా పూరి చేసి.. పూర్తిస్థాయి రాజకీయాల మీద దృష్టి పెట్టబోతున్నట్టు సిద్ధమవుతున్నాడు పవర్ స్టార్. అయితే పవర్ స్టార్ సినిమాలను ఆపేయడం అంతగా రుచించని అభిమానులు మాత్రం తమ హీరో ఇంకా సినిమాలు చేయాలనే ఆశిస్తున్నారు.
