ప‌వ‌న్ పుట్టిన రోజు హంగామా అయిపోయింది. సెల‌బ్రెటీలంతా ప‌వ‌న్‌కి పుట్టిన‌రోజు శుభాకాంక్ష‌లు తెలియ‌జేస్తూ ట్విట్ట‌ర్ల‌ను హోరెత్తించారు. ఇప్పుడు వాళ్లంద‌రికీ ప‌వ‌న్ రిప్లైలు ఇస్తూ.. కృత‌జ్ఞ‌త‌లు చెప్పుకుంటున్నాడు. పేరు పేరున అంద‌రికీ అంటూ ఒక ట్వీట్ తో స‌రిపెట్ట‌కుండా – త‌న‌కు శుభాకాంక్ష‌లు తెలియ‌జేసిన ప్ర‌తి ఒక్క‌రికీ.. ప్ర‌త్యేకంగా కృత‌జ్ఞ‌త‌లు చెప్పుకోవ‌డం విశేషం. నితిన్‌, సుధీర్ బాబు, కార్తికేయ‌, స‌త్య‌దేవ్‌.. వీళ్లంద‌రికీ ప‌వ‌న్ ప్ర‌త్యేకంగా ట్వీట్ చేశాడు. కార్తికేయ‌ని `సార్‌` అంటూ సంబోధించ‌డం అంద‌రికీ షాక్ ఇచ్చింది. `సార్ ఏంటి సార్‌.. మీకున్న కోట్లాది అభిమానుల్లో నేనొక‌డిని` అంటూ కార్తికేయ మురిసిపోతున్నాడు. `మీ ఉమామ‌హేశ్వ‌ర సినిమా చూశాను. మీ న‌ట‌న చాలా బాగుంది` అంటూ.. స‌త్య‌దేవ్‌ని విష్ చేశాడు ప‌వ‌న్ క‌ల్యాణ్. ఇదంతా పీఆర్ టీమ్ చేస్తున్న హంగామాలా లేదు. ప‌వ‌నే స్వ‌యంగా ప్ర‌తీ ఒక్క‌రిటీ ట్వీట్ తో స‌మాధానం చెబుతున్న‌ట్టు వుంది. మొత్తానికి ఇలా రిప్లైల‌లో కూడా ప‌వ‌న్ ఓ ట్రెండ్ సృష్టించేశాడు.