మొన్నామ‌ధ్య `రిప‌బ్లిక్‌` ప్రీ రిలీజ్ ఈవెంట్ లో ప‌వ‌న్ క‌ల్యాణ్ ఇచ్చిన స్పీచు టాలీవుడ్ లో ఓ చిన్న పాటి భూకంపం సృష్టించింది. ఆ అల‌జ‌డి ఇప్ప‌ట‌కీ త‌గ్గ‌లేదు. ఇప్పుడు ప‌వ‌న్ మ‌రో ఈవెంట్ కి వ‌స్తున్నాడు. ఈనెల 9న మ‌హా స‌ముద్రం ప్రీ రిలీజ్ ఈవెంట్ జ‌ర‌గ‌బోతోంది. ఈ కార్య‌క్ర‌మానికి ప‌వ‌న్ క‌ల్యాణ్ ముఖ్య అతిథి. శ‌ర్వానంద్ న‌టించిన సినిమా ఇది. 14 రీల్స్ నిర్మించింది. 14 రీల్స్ లో ప‌వ‌న్ ఓ సినిమా చేస్తున్నాడు. ఆ అనుబంధంతోనే ప‌వ‌న్ ఈ కార్య‌క్ర‌మానికి వ‌స్తున్నాడు. ప‌వ‌న్ మైకు ప‌ట్టుకుంటే టాపిక్ ఎటు నుంచి ఎటు డైవ‌ర్ట్ అవుతుందో తెలియంది కాదు. అందుకే ఈసారి ప‌వ‌న్ స్పీచ్ సినిమాటిక్ గా ఉంటుందా? పొలిటిక‌ల్ ఫోర్స్ తో సాగుతుందా? అనే ఆస‌క్తి నెల‌కొంది. పొలిటిక‌ల్ ఎజెండా ఎత్తుకుంటే మాత్రం మ‌రోసారి ర‌గ‌డ ఖాయం.

మోస్ట్ ఎలిజిబుల్ బ్యాచిల‌ర్‌, పెళ్లి సంద‌డి ఈవెంట్స్ కూడా ఈ వారంలోనే జ‌ర‌గ‌బోబోతున్నాయి. 8న బ్యాచిల‌ర్ ఫంక్ష‌న్‌కి నాగ‌చైత‌న్య చీఫ్ గెస్ట్. స‌మంత‌తో విడాకుల త‌ర‌వాత చైతూ తొలిసారి ఓ ఈవెంట్ లో పాల్గొన‌బోతున్నాడు. 10న పెళ్లి సంద‌డి ప్రీ రిలీజ్ ఈవెంట్ జ‌ర‌గ‌బోతోంది. ఈ కార్య‌క్ర‌మానికి చిరంజీవి, వెంక‌టేష్‌లు చీఫ్ గెస్ట్ లు. మొత్తానికి ఈవార‌మంతా సినిమా సంద‌డి ఓ రేంజ్‌లో ఉండ‌బోతోంద‌న్న‌మాట‌.