పవర్ స్టార్ పవన్ కళ్యాణ్, త్రివిక్రమ్ శ్రీనివాస్ లది క్రేజీ కాంబినేషన్. సినిమాలతో పాటు వారి మధ్య మంచి స్నేహం వుంది. ప్రస్తుతం పవన్ కళ్యాణ్ రాజకీయాల్లో బిజీగా వున్నారు. పెండింగ్ లో వున్న సినిమాలని ఒకొక్కటిగా పూర్తి చేసే కార్యచరణ కూడా చేస్తున్నారు. తివిక్రమ్ అల్లు అర్జున్ కోసం కథని రెడీ చేసుకుంటున్నారు.

పవన్ కళ్యాణ్, త్రివిక్రమ్ కాంబినేషన్ లో మరో సినిమా వస్తే అంతకంటే క్రేజీ ప్రాజెక్ట్ మరొకటి వుండదు. మరి ఈ అవకాశం ఉందా ? అంటే వుందనే ఆశ కలిగించారు నిర్మాత నాగవంశీ. 2029 ఎన్నిక‌ల ముందు నాగవంశీ నిర్మాణంలో ఓ పొలిటిక‌ల్ సినిమా వుంటుంది. ఓ పెద్ద స్టార్ తో 2029 ఎన్నిక‌ల ముందు ఓ సినిమా చేస్తున్నాం’ అని నాగ‌వంశీ కూడా డిక్లేర్ చేశారు.

సితార, హారిక హాసిని త్రివిక్రమ్ కి హోమ్ బ్యానర్స్. పవన్ కళ్యాణ్ సినిమా చేయాలనుకుంటే త్రివిక్రమ్ డైరెక్షన్ ని ఎంచుకునే అవకాశాలే ఎక్కువ. పైగా ఎన్నికల ముందు ఒక మంచి పొలిటికల్ సినిమా పడితే ఆ క్రేజ్ వేరు. ఈ కాంబినేషన్ కుదరాలే కానీ అన్ని రకాలుగా సంచలనం సృష్టించే అవకాశం వుంది. నంద‌మూరి బాల‌కృష్ణ‌తో కూడా నాగ‌వంశీకి ప్ర‌త్యేక‌మైన అనుబంధం ఉంది. ప్ర‌స్తుతం ఆయ‌న‌తో ఓ సినిమా చేస్తున్నారు కూడా. క‌థ కుదిరితే.. బాల‌య్య‌తో కూడా ఆయ‌న పొలిటిక‌ల్ సినిమా చేసే ఛాన్సుంది.