బాహుబ‌లి విజ‌యాల్ని, తుడిచి పెడుతున్న రికార్డుల్ని చూసి యావ‌త్ సినీ లోకం ఆహా ఓహో అంటోంది. బ‌డా స్టార్లు కూడా జ‌య‌హో బాహుబ‌లి అంటూ… రాజ‌మౌళినీ, చిత్ర‌బృందాన్నీ అభినంద‌న‌ల‌తో ముంచెత్తుతున్నారు. దాదాపుగా టాలీవుడ్ మొత్తం స్పందించింది. కానీ… ప‌వ‌న్ క‌ల్యాణ్ ఇప్ప‌టి వ‌ర‌కూ నోరు మెద‌ప‌లేదు. ఎట్ట‌కేల‌కు ప‌వ‌న్ నుంచి ఓ ట్వీట్ వ‌చ్చింది. బాహుబ‌లిని అభినంద‌దిస్తూ. రాజ‌మౌళి క‌ష్టం, అకుంఠిత దీక్ష ఇంత‌టి ఘ‌న విజ‌యానికి కార‌ణ‌మైందంటూ.. వెయ్యి కోట్లు సాధించినందందుకు గానూ, రాజ‌మౌళికీ, ప్ర‌భాస్‌కీ, చిత్ర నిర్మాత‌ల‌కూ అభినంద‌న‌లు తెలుపుతూ ట్వీట్ చేశాడు ప‌వ‌న్ క‌ల్యాణ్‌. ఇలాంటి మ‌రెన్నో విజ‌యాల్ని రాజ‌మౌళి సాధించాల‌ని ఆకాంక్షించాడు ప‌వ‌న్‌. ‘బాహుబ‌లి 2’ ఇంట్ర‌వెల్ బ్యాంగ్‌కి స్ఫూర్తి ప‌వ‌న్ క‌ల్యాణ్ కి ఉన్న అశేష‌మైన ఫాలోయింగే అని క‌థా ర‌చ‌యిత విజ‌యేంద్ర ప్ర‌సాద్ సెల‌విచ్చిన సంగ‌తి తెలిసిందే. ఈ విష‌యం ప‌వ‌న్‌కి తెలిసిందో లేదో.. తెలిస్తే ఎలా స్పందిస్తాడో..! ప‌వ‌న్ మాటేమో గానీ.. బాహుబ‌లి 2 వేయి కోట్లు సాధించినందుకు గానూ… ప‌వ‌న్ ఫ్యాన్స్ సైతం సంబ‌రాలు చేసుకొంటున్నారు. ఈ విజ‌యంలో త‌మ హీరో పాత్ర కూడా ఉంద‌న్న కార‌ణంతో. ప‌వ‌న్ అభిమానులంటే అంతే… వాళ్లు మ‌హా వెరైటీ క‌దా!