త‌మిళంలో అజిత్ హీరోగా వ‌చ్చిన సినిమా వేదాళం. దీన్ని తెలుగులో ప‌వ‌న్ క‌ల్యాణ్ రీమేక్ చేస్తాడ‌న్న వార్త‌లు ఎప్పటి నుంచో వినిపిస్తున్నాయి. ఎస్‌.జె.సూర్య కాంబినేష‌న్‌లో ఈ సినిమా ప‌ట్టాలెక్కుతుంద‌ని అనుకొన్నారు. కానీ.. వీలుకాలేదు. ప‌వ‌న్ ఓ కొత్త క‌థ ఎంచుకొని.. దాన్ని సూర్య చేతిలో పెట్టాడు. సూర్య డ్రాప‌వుట్ అవ్వ‌డంతో అది డాలీ ద‌గ్గ‌ర‌కు వెళ్లింది. దాంతో వేదాళం రీమేక్ లేన‌ట్టే అనుకొన్నారు. కానీ.. ప‌వ‌న్ ఆ సినిమా చేస్తాడ‌ట‌. త్వ‌ర‌లోనే వేదాళం సినిమాకి సంబంధించిన వ‌ర్క్ మొద‌ల‌వ్వ‌బోతోంద‌న్న‌ది లేటెస్ట్ టాక్‌. ఈ సినిమా రైట్స్ ఎ.ఎం. ర‌త్నం ద‌గ్గ‌ర ఉన్నాయి. ప‌వ‌న్‌తో ఖుషీ తీసిన నిర్మాత ఆయ‌న‌. ఆ త‌ర‌వాత వీరిద్ద‌రూ క‌ల‌సి మ‌రో సినిమా చేయ‌లేదు. ఇంత‌కాలానికి ఆ కాంబినేష‌న్ వ‌ర్క‌వుట్ అయిన‌ట్టు స‌మాచారం. ఇటీవ‌లే ఏఎంర‌త్నం ప‌వ‌న్ క‌ల్యాణ్ తో భేటీ వేసిన‌ట్టు విశ్వ‌స‌నీయ వ‌ర్గాల స‌మాచారం. వేదాళం సినిమాని రీమేక్ చేయ‌డానికి ప‌వ‌న్ స‌న్న‌ద్ధంగానే ఉన్నాడ‌ని. ప్ర‌స్తుతం ద‌ర్శ‌కుడి వేట కొన‌సాగిస్తున్నార‌ని.. అతి త్వ‌ర‌లో ద‌ర్శ‌కుడెవ‌న్న‌ది క‌న్‌ఫామ్ అవుతుంద‌ని టాక్‌.