ఆర్ ఎక్స్ 100 తో యువ ప్రేక్షకుల హృదయాలు కొల్లకొట్టిన హీరోయిన్ పాయల్ రాజ్ పుత్. అయితే అలా అని వెంటనే అద్భుతమైన చాన్స్ లు ఏవీ వచ్చేయలేదు. అడుగు ముందుకు అడుగు వెనక్కు అన్నట్లు సాగుతోంది కెరీర్. అదిగో హీరో, ఇదిగో సినిమా అన్నట్లు వార్తలు అయితే వినిపిస్తున్నాయి కానీ, సరిగ్గా మెటీరియలైజ్ కావడం లేదు.
సీనియర్ హీరోలు, నాగార్జున, వెంకటేష్ లతో చెరో సినిమా చేస్తోందని మాత్రం వార్తలు వున్నాయి. ఇప్పుడు మరో సినిమా కోసం పాయల్ తో రేట్ డిస్కషన్ నడుస్తోంది. స్టూవర్ట్ పురానికి చెందిన టైగర్ నాగేశ్వరరావు కథ ఆధారంగా తీస్తున్న సినిమాలో ఆమెను హీరోయిన్ గా తీసుకునే చాన్స్ కనిపిస్తోంది.
బెల్లంకొండ శ్రీనివాస్ హీరోగా నటించే ఈ సినిమాను అభిషేక్ అగర్వాల్ నిర్మిస్తున్నారు. వంశీకృష్ణ దర్శకుడు. ఒకటి రెండు రోజుల్లో అగ్రిమెంట్ జరిగే అవకాశం వుంది. ప్రస్తుతం చేస్తున్న రాక్షసన్ రీమేక్ తరువాత బెల్లంకొండ ఈ సినిమా స్టార్ట్ చేస్తారు.
