ఈరోజు ర‌జ‌నీకాంత్ 68వ పుట్టిన రోజు. ఈ సంద‌ర్భంగా ‘పేట్టా’ టీజ‌ర్‌ని విడుద‌ల చేసింది చిత్ర‌బృందం. ర‌జ‌నీ అన‌గానే స్టైల్‌. దాన్ని ఈ టీజ‌ర్లో కొస‌రి కొస‌రి వ‌డ్డించింది. అనిరుథ్ బ్యాక్ గ్రౌండ్ స్కోర్‌తో చెల‌రేగిపోయాడు. బీజియ‌మ్ తో అద‌ర‌గొట్టేశాడు. ‘కాలా’, ‘క‌బాలి’, ‘2.ఓ’ల‌లో ర‌జ‌నీ సినిమాల నుంచి ఆశించే మాస్ ఎలిమెంట్స్ బాగా మిస్స‌య్యాయి. ఈసారి మాత్రం కార్తిక్ సుబ్బ‌రాజ్ అలాంటి ప్ర‌మాదం లేకుండా జాగ్ర‌త్త ప‌డ్డాడు. టీజ‌ర్లో ర‌జ‌నీ చాలా స్టైలీష్‌గా, హుషారుగా క‌నిపిస్తున్నాడు. అద్దం ముందు నిల‌బ‌డి మురిసిపోవ‌డంలో ర‌జ‌నీ తాలుకు ఛ‌మ‌క్కు క‌నిపించింది. ఒక్క డైలాగ్ కూడా లేక‌పోవ‌డం నిరాశ ప‌రిచినా… చివ‌ర్లో `వి ల‌వ్ త‌లైవా` అనే.. వాక్యాలు క‌నిపించాయి. టీజ‌ర్ ని క‌ట్ చేసిన విధానం, ఇప్ప‌టి వ‌ర‌కూ విడుద‌ల చేసిన పాట‌లూ చూస్తుంటే… ఇదో ప‌క్కా మాస్ మ‌సాలా సినిమా అనేది అర్థ‌మైపోతోంది. ఇందులో ర‌జ‌నీ సైనికుడిగా, హాస్ట‌ల్ వార్డెన్‌గా రెండు ర‌కాల పాత్ర‌ల్లో కనిపిస్తాడ‌ని స‌మాచారం. జ‌న‌వ‌రిలోనే ఈ సినిమాని విడుద‌ల చేయ‌డానికి చిత్ర‌బృందం స‌మాయాత్తం అవుతోంది.