డీజేతో ఫామ్ లోకి వ‌చ్చేసింది పూజా హెగ్డే. అంత‌కు ముందు రెండు సినిమాలు చేసినా, బాలీవుడ్‌లో హృతిక్ రోష‌న్ స‌ర‌స‌న న‌టించినా రాని గుర్తింపు.. డీజేతో వ‌చ్చేసింది. ఈ సినిమాలో పూజా చేసిన సంద‌డి ఇంతా అంతా కాదు క‌దా? ఈత దుస్తుల్లో మురిపించేసింది పూజా. బ‌న్నీతో స‌రిస‌మానంగా స్టెప్పులు వేసి మెప్పించింది. అందుకే పూజా చేతిలోకొత్త సినిమాలు వ‌చ్చిప‌డుతున్నాయి. తాజాగా మ‌రో ఆఫ‌ర్ అందుకొంది ఈ ముద్దు గుమ్మ‌. బెల్లం కొండ శ్రీ‌నివాస్ – శ్రీ‌వాస్ కాంబినేష‌న్‌లో ఓ చిత్రం రూపుదిద్దుకొంటున్న సంగ‌తి తెలిసిందే. ఇందులో క‌థానాయిక‌గా పూజాని ఎంచుకొంటార‌ని తెలుగు 360 ముందే చెప్పింది. ఇప్పుడు అదే నిజ‌మైంది. ఈసినిమాలో క‌థానాయిక‌గా పూజా ఎంపిక‌ని చిత్ర‌బృందం ఖ‌రారు చేశారు. సినిమాకి గానూ పూజా ఏకంగా కోటి రూపాయ‌ల పారితోషికం అందుకోబోతోంద‌ట‌. ఇటీవ‌ల రామోజీ ఫిల్మ్‌సిటీలో బెల్లం కొండ శ్రీ‌నివాస్ సినిమా మొద‌లైంది. ఇప్ప‌టికి ప‌ది రోజుల షెడ్యూల్ కూడా పూర్త‌యింది. త్వ‌ర‌లోనే ఈ సినిమా సెట్‌లో పూజా అడుగుపెట్ట‌బోతోంది.