దేవిశ్రీ ప్ర‌సాద్ సంగీతం – సుకుమార్ అంటేనే ప్ర‌త్యేక గీతం హ‌డావుడి ఉండాల్సిందే. ఆర్య, జ‌గ‌డం, ఆర్య 2. 100% ల‌వ్‌ సినిమాల్లో ప్ర‌త్య‌తే గీతాలు భ‌లే పాపుల‌ర్ అయిపోయాయి. నాన్న‌కు ప్రేమతోలో మాత్రం ఐటెమ్ గీతానికి ఆస్కారం దొర‌క‌లేదు. ఈసారి మాత్రం ఐటెమ్ పాట మిస్ అవ్వ‌డం లేదు. రామ్ చ‌ర‌ణ్ – సుకుమార్ కాంబోలో ‘రంగ‌స్థ‌లం’ రూపుదిద్దుకొంటోంది. దీనికీ దేవిశ్రీ ప్ర‌సాదే సంగీత ద‌ర్శ‌కుడు. `రంగ‌స్థ‌లం`ఓ దుమ్ము రేపే ఐటెమ్ గీతం ఉంది. ఇందులో రామ్ చ‌ర‌ణ్‌తో పాటు పూజా హెగ్డే క‌నిపించ‌నుంది. పూజాకి ఇదే తొలి ఐటెమ్ గీతం. ఈ పాట‌లో న‌ర్తించ‌డానికి పూజా త‌న అంగీకారం తెలిపింది. ఇప్ప‌టికే సంత‌కాలు కూడా జ‌రిగిపోయాయ‌ట. ఈ పాట కోసం త‌మ‌న్నా, శ్రుతిహాస‌న్ లాంటి స్టార్ల పేర్లు ప‌రిశీల‌న‌కు వ‌చ్చాయి. అయితే.. వాళ్లంతా భారీ మొత్తంలో పారితోషికం డిమాండ్ చేయ‌డంతో పూజాని ఎంచుకొన్నార్ట. పూజాకు ఈ పాట‌తో మంచి పారితోషిక‌మే గిట్టుబాటు అయ్యింద‌ని టాక్‌. ఈ నెల‌లోనే ఈ పాట‌ని తెర‌కెక్కించ‌నున్నారు.
క‌న్‌ఫామ్ : రంగ‌స్థ‌లంలో పూజా హెగ్డే ఐటెమ్ గీతం
