ప్రభాస్ హీరోగా ‘రన్ రాజా రన్’ ఫేమ్ సుజిత్ దర్శకత్వంలో యు.వి. క్రియేషన్స్ సంస్థ ‘సాహో’ సినిమాను నిర్మిస్తుంది. దీని తర్వాత ప్రభాస్ హీరోగా నటించబోయే సినిమానూ యు.వి. క్రియేషన్స్ సంస్థే నిర్మిస్తుందట. ‘జిల్’ ఫేమ్ రాధాకృష్ణ దర్శకత్వంలో ఓ సినిమా చేయడానికి ప్రభాస్ పచ్చ జెండా ఊపిన సంగతి తెలిసిందే. అందులో హీరోయిన్‌గా పూజా హెగ్డే నటించనుంది. ముంబై మీడియాకి పూజాయే స్వయంగా ఈ సినిమా గురించి లీకులు అందించింది. ప్రభాస్ పక్కన హీరోయిన్‌గా చేస్తున్నట్టు చెప్పుకుంది. ఈ ఏడాది జూలై నుంచి సినిమా షూటింగ్ మొదలవుతుందట. వచ్చే ఏడాదిలో సినిమాను విడుదల చేయాలనుకుంటున్నారు. రెబల్ స్టార్ కృష్ణంరాజు (ప్రభాస్ పెదనాన్న) సొంత సంస్థ గోపికృష్ణా మూవీస్ లో రాధాకృష్ణ సినిమా చేయాలనుకున్నారు. ఇప్పుడు యు.వి. చేతికి వచ్చినట్టుంది. ‘సాహో’ షూటింగ్ ఇంకా కంప్లీట్ కాలేదు. మేజర్ షెడ్యూల్ కోసం త్వరలో సినిమా యూనిట్ దుబాయ్ వెళ్ళనుంది. ‘సాహో’ను తెలుగు, హిందీ భాషల్లో చేస్తున్నారు. తమిళ్, మలయాళ భాషల్లో డబ్బింగ్ చేయనున్నారు. రాధాకృష్ణ సినిమాను కూడా తెలుగు, హిందీలో చేస్తారట.