ఇటీవ‌లే ‘గోట్‌’తో ప్రేక్ష‌కుల ముందుకు వ‌చ్చాడు విజ‌య్‌. ఆ సినిమా ఆశించిన ఫ‌లితాన్ని ఇవ్వ‌లేదు. ఈ సినిమా త‌ర‌వాత విజ‌య్ పూర్తిగా రాజ‌కీయాలతో మ‌మేకం అవుతాడ‌ని, సినిమాలు వ‌దిలేస్తాడ‌ని ప్ర‌చారం జ‌రిగింది. అయితే ‘గోట్’ దెబ్బ‌తో విజ‌య్ మ‌రో సినిమా చేశాకే, బ్రేక్ తీసుకోవాల‌ని భావిస్తున్నాడ‌ని టాక్. హెచ్‌. వినోద్ చెప్పిన క‌థ‌ని విజ‌య్ ఇది వ‌ర‌కే అంగీక‌రించాడు. ఈ సినిమాని అతి త్వ‌ర‌లోనే సెట్స్‌పైకి తీసుకెళ్తార‌ని ప్ర‌చారం జ‌రుగుతోంది. ఈ చిత్రంలో క‌థానాయికగా పూజా హెగ్డేని ఎంచుకొనే అవ‌కాశాలు పుష్క‌లంగా క‌నిపిస్తున్నాయి. పూజాకు విజ‌య్ తో ఇది రెండో సినిమా అవుతుంది. ఇది వ‌ర‌కు ‘బీస్ట్‌’లో జంట‌గా న‌టించారు.

పూజాకు కొంత‌కాలంగా స‌రైన అవ‌కాశాలు లేవు. విజ‌య్ తో సినిమా ఓకే అయితే, త‌న కెరీర్ మ‌ళ్లీ పుంజుకొన్న‌ట్టే అనుకోవాలి. ప్ర‌స్తుతం వినోద్ ప్రీ ప్రొడ‌క్ష‌న్ వ‌ర్క్ లో బిజీగా ఉన్నాడ‌ని తెలుస్తోంది. ఈ చిత్రాన్ని వీలైనంత త్వ‌ర‌గా పూర్తి చేసి, 2024 వేస‌విలోగా విడుద‌ల చేయాల‌న్న‌ది ప్లాన్. విజ‌య్ ఈ సినిమాకు కేవ‌లం 60 రోజుల కాల్షీట్లే కేటాయించాడ‌ని తెలుస్తోంది. దాని ప్ర‌కార‌మే షెడ్యూల్స్ ప్లాన్ చేస్తోంది చిత్ర‌బృందం. ఈ చిత్రానికి సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.