రేపు (బుధ‌వారం) ప్ర‌భాస్ పుట్టిన రోజు. ఈ సంద‌ర్భంగా రాధాకృష్ణ సినిమాలోంచి ఓ స్టిల్లో, టీజ‌రో విడుద‌ల చేస్తార‌నుకున్నారు. కానీ అలాంటి బ‌హుమానాలేం ప్ర‌భాస్ అభిమానుల‌కు అంద‌లేదు. రేపు కూడా ఎలాంటి స్పెష‌ల్సూ రావ‌డం లేదు. ఈ సినిమాకి సంబంధించి టైటిల్ కూడా ఇప్ప‌టి వ‌ర‌కూ ప్ర‌క‌టించ‌లేదు. `జాన్‌` అనే పేరు ప‌రిశీల‌న‌లో ఉన్నా, అది ఖ‌రారు కాలేదు. ఆ పేరు మార్చాల‌ని, వేరే కొత్త పేరు ప్ర‌క‌టించాల‌ని చిత్ర‌బృందం భావిస్తోంది.

ఇటీవ‌ల ప్ర‌భాస్ లండ‌న్ వెళ్లాడు. అక్క‌డే ప్ర‌భాస్ బ‌ర్త్ డే వేడుక‌లు జ‌రుగుతాయ‌నుకున్నారంతా. కానీ.. ప్ర‌భాస్ హైద‌రాబాద్ తిరిగి వ‌చ్చేశాడు. ఇక్క‌డ కూడా బ‌ర్త్ డే సెల‌బ్రేష‌న్స్ ఏమీ లేవు. బుధ‌వారం త‌న కుటుంబ స‌భ్యుల‌కు మాత్ర‌మే కేటాయించాడ‌ని తెలుస్తోంది. స్నేహితులు, అతి ముఖ్యులతో మాత్ర‌మే ప్ర‌భాస్ గ‌డ‌ప‌బోతున్నాడు. బుధ‌వారం సాయింత్రం ప్ర‌భాస్ త‌న స్నేహితుల‌కు ఓ పార్టీ ఇచ్చే ఏర్పాట్ల‌లో ఉన్నాడు. కొద్ది రోజుల విరామం త‌ర‌వాత రాధా కృష్ణ సినిమా షూటింగ్ మొద‌లైపోతుంది. ఇందుకోసం హైద‌రాబాద్‌లో ప్ర‌త్యేక‌మైన సెట్ కూడా రూపొందించారు.