పిఠాపురం నుంచి పోటీ చేస్తోన్న జనసేన అధినేత పవన్ కళ్యాణ్ కు సినీ ఇండస్ట్రీ నుంచి పూర్తి మద్దతు లభిస్తోంది. ఇప్పటికే కొణిదెల ఫ్యామిలీతోపాటు పలువురు సినీ ప్రముఖులు నియోజకవర్గంలో వాలిపోయి పవన్ కు మద్దతుగా ప్రచారం చేస్తున్నారు.

తాజాగా పాన్ ఇండియా స్టార్ ప్రభాస్ పెద్దమ్మ సైతం పవన్ కు మద్దతు తెలిపింది. పిఠాపురంలో పవన్ కళ్యాణ్ భారీ మెజార్టీతో గెలవడం ఖాయం. తనకు పిఠాపురం నుంచి అనేక మెసేజ్ లు , ఫోన్స్ వస్తున్నాయని..ఇదే పవన్ కళ్యాణ్ గెలుపుకు సంకేతమని ఆమె వ్యాఖ్యానించిన వీడియో సోషల్ మీడియాలో వైరల్ అవుతోంది.

పవన్ కళ్యాణ్ కు వచ్చే మెజార్టీనే రాష్ట్రంలో అత్యధిక మెజార్టీ అవుతుందన్నారు. ఇది 100 శాతం జరిగి జరుగుతుందని వ్యాఖ్యానించిన ఆమె జై మోడీ, జై తెలుగు దేశం, జై జనసేన అంటూ ముగించారు. పవన్ కు మద్దతుగా ప్రభాస్ పెద్దమ్మ మాట్లాడటంతో ఈ వీడియోను జన సైనికులు సోషల్ మీడియాలో వైరల్ చేస్తున్నారు.

ప్రభాస్ పెద్దమ్మ పవన్ కు మద్దతిచ్చారంటే.. ప్రభాస్ సపోర్ట్ కూడా పవన్ కే ఉంటుందని జనసేన మద్దతుదారులు సోషల్ మీడియాలో కామెంట్స్ చేస్తున్నారు.