ప్ర‌భాస్ – మారుతి కాంబోలో రూపుదిద్దుకొంటున్న చిత్రం ‘రాజాసాబ్’. ప్ర‌భాస్ బిజీ బిజీగా ఉండ‌డం వ‌ల్ల ‘రాజా సాబ్’ చిన్న చిన్న షెడ్యూల్స్ తో స‌రిపెట్టుకొంటోంది. తాజాగా శుక్ర‌వారం నుంచి ఓ కొత్త షెడ్యూల్ ప్రారంభం కానుంది. ఈనెల 16 వ‌ర‌కూ ఈ షెడ్యూల్ కొన‌సాగ‌బోతోంది. ఇందుకోసం హైద‌రాబాద్‌లోని అల్యూమినియం ఫ్యాక్ట‌రీలో ఓ ప్ర‌త్యేక సెట్ తీర్చిదిద్దారు. అక్క‌డే షూటింగ్ జ‌ర‌గ‌బోతోంది. సంజ‌య్‌ద‌త్‌, ఇతర ప్ర‌ధాన తారాగ‌ణంపై కీల‌క సన్నివేశాల్ని తెర‌కెక్కిస్తారు. ఈ షెడ్యూల్ లో ప్ర‌భాస్ లేడు. ఇదే నెల‌లో మ‌రో ద‌ఫా ‘రాజా సాబ్’ షూటింగ్ ప్లాన్ చేస్తున్నారు. ఈసారి ప్ర‌భాస్ కూడా షూటింగ్ లో పాలు పంచుకోనున్నాడ‌ని తెలుస్తోంది. ఓ డిఫ‌రెంట్ కాన్సెప్ట్ లో సాగే హారర్, థ్రిల్ల‌ర్ చిత్ర‌మిది. ప్ర‌భాస్‌కి ఇలాంటి జోన‌ర్లు కొత్త. అయితే.. మారుతి ఇది వ‌ర‌కు ‘ప్రేమ‌క‌థా చిత్రమ్`తో ఈ జోన‌ర్‌లో త‌న‌కున్న ప‌ట్టుని నిరూపించుకొన్నాడు. హారర్ సినిమా అని రెగ్యుల‌ర్ పేట్ర‌న్ ఫాలో అవ్వ‌కుండా ప్ర‌భాస్ ఇమేజ్‌నీ, క్రేజ్‌నీ దృష్టిలో ఉంచుకొని, క‌థ, క‌థ‌నాలు ప‌క‌డ్బందీగా త‌యారు చేసుకొన్నాడు మారుతి. ముఖ్యంగా ఇంట్ర‌వెల్ బ్యాంగ్‌, ప్రీ క్లైమాక్స్, క్లైమాక్స్ వేరే లెవ‌ల్‌లో ఉండ‌బోతున్నాయ‌ని ఇన్ సైడ్ వ‌ర్గాల టాక్‌. 2025 సంక్రాంతికి ఈ చిత్రాన్ని ప్రేక్ష‌కుల ముందుకు తీసుకొనిరావ‌డానికి చిత్ర‌బృందం స‌న్నాహాలు చేస్తోంది.
‘రాజాసాబ్’.. రీ ఎంట్రీ!
