ప్ర‌భాస్ బాలీవుడ్ లో ఓ సినిమా చేయ‌బోతున్నాడ‌ని, దాన్ని టీ సిరీస్ నిర్మిస్తోంద‌ని ఓ ప్ర‌చారం సాగుతోంది. దీనికి సంబంధించిన ఓ అప్ డేట్ ఈరోజు ఇస్తాన‌ని నిన్నే.. ఇన్ స్ట్రాలో మాటిచ్చాడు ప్ర‌భాస్‌. ఇప్పుడు ఆ అప్ డేట్ వ‌చ్చేసింది. ఈ సినిమా టైటిల్ ని అధికారికంగా ప్ర‌క‌టించేశారు. అదే… `ఆది పురుష్‌`. `సెల‌బ్రెటింగ్ విక్టరీ ఆఫ్ గుడ్ ఓవ‌ర్ ఈవిల్‌` అనేది ఉప శీర్షిక‌.

టైటిల్ లోగో, డిజైన్ బ‌ట్టి చూస్తే.. ఇదో ఇతిహాస గాథ అని అర్థం అవుతోంది. ఓమ్ రౌత్ ద‌ర్శ‌కుడు. తెలుగు, త‌మిళ‌, హిందీ, క‌న్న‌డ‌, మ‌ల‌యాళ భాష‌ల‌లో తెర‌కెక్కిస్తున్నారు. ప్ర‌భాస్ హ‌నుమంతుడిగా న‌టిస్తాడ‌ని ప్ర‌చారం జ‌రుగుతోంది. రాముడి పాత్ర‌లో ప్ర‌భాస్ న‌టిస్తాడ‌ని ప్ర‌చారం సాగుతోంది. దాదాపు 400 కోట్ల పైచిలుకు బ‌డ్జెట్ తో తెర‌కెక్కిస్తున్న చిత్ర‌మిది. బాలీవుడ్ నుంచి మ‌రో ప్ర‌ముఖ క‌థానాయ‌కుడు కూడా ఈ సినిమాలో న‌టిస్తాడ‌ని తెలుస్తుంది.