ఏప్రిల్‌లో విడుద‌ల‌కు సిద్ధ‌మైంది ‘రాజాసాబ్‌’. మారుతి ద‌ర్శ‌క‌త్వంలో ప్ర‌భాస్ క‌థానాయ‌కుడిగా రూపొందుతున్న సినిమా ఇది. ఈనెల 23 ప్ర‌భాస్ పుట్టిన రోజు సంద‌ర్భంగా.. ‘రాజాసాబ్‌’ నుంచి కొత్త పోస్ట‌ర్ ఈ రోజే రానుంది. 23న ఓ గ్లింప్స్ కానీ, మోష‌న్ పోస్ట‌ర్ కానీ విడుద‌ల చేస్తారు.

మ‌రోవైపు ‘రాజాసాబ్‌’ బిజినెస్ కూడా మొద‌లైపోయింది. ఆడియో హ‌క్కుల్ని టీ సిరీస్ రూ.25 కోట్ల‌కు సొంతం చేసుకొంది. త‌మ‌న్ ఈ చిత్రానికి సంగీతాన్ని అందిస్తున్న సంగ‌తి తెలిసిందే. త‌మ‌న్ ఆల్బ‌మ్ లో క‌చ్చితంగా మాస్‌, క‌మ‌ర్షియ‌ల్ బీట్స్ ఉంటాయి. ‘రాజాసాబ్’ టైటిల్ ట్రాక్ త‌ప్ప‌కుండా దుమ్ము దులుపుతుంద‌ని చిత్ర‌బృందం భావిస్తోంది. ఓ బాలీవుడ్ క్లాసిక్ పాట‌ను ఈ సినిమా కోసం రీమిక్స్ చేయ‌బోతున్నార‌ని సమాచారం అందుతోంది. ఆ పాటేమిట‌న్న‌ది తేలాల్సివుంది. త‌మ‌న్ ఈ పాట‌పై ఇప్ప‌టికే క‌స‌ర‌త్తులు మొద‌లెట్టాడ‌ని టాక్‌. ప్ర‌స్తుతం రైట్స్ విష‌యంలో నిర్మాత టీజీ విశ్వ‌ప్ర‌సాద్ బాలీవుడ్ టీమ్ తో సంప్ర‌దింపులు జ‌రుపుతున్నారు. రైట్స్ అందిన త‌ర‌వాత‌.. ఈ పాట విష‌యంలో ఓ క్లారిటీ వ‌స్తుంది. హార‌ర్‌, కామెడీ జోన‌ర్లో సాగే సినిమా ఇది. సంజ‌య్‌ద‌త్ కీల‌క పాత్ర పోషిస్తున్నారు. విజువ‌ల్ ఎఫెక్ట్స్ కి పెద్ద పీట వేశార‌ని స‌మాచారం. ప్ర‌స్తుతం హైద‌రాబాద్ లో షూటింగ్ జ‌రుగుతోంది.