మంచు విష్ణు డ్రీమ్ ప్రాజెక్ట్ ‘క‌న్న‌ప్ప‌’లో ప్ర‌భాస్ కూడా ఓ కీల‌క పాత్ర పోషిస్తున్న సంగ‌తి తెలిసిందే. ప్ర‌భాస్ ఈ సినిమాలో ఏ పాత్ర‌లో క‌నిపిస్తాడ‌న్న సందేహం అంద‌రిలోనూ ఉంది. ప్ర‌భాస్ ప‌ర‌మ‌శివుడుగా ద‌ర్శ‌న‌మిస్తాడ‌ని అనుకొన్నారు. అలానే ప్ర‌చారం జ‌రుగుతోంది కూడాజ‌ అయితే.. లేటెస్ట్ స‌మాచారం ప్ర‌కారం ఈ సినిమాలో ప్ర‌భాస్ నందీశ్వ‌రుడిగా క‌నిపించ‌బోతున్నాడ‌ట‌. నిజానికి శివుడి పాత్ర చేయాల‌ని మంచు విష్ణు ఒత్తిడి చేశాడ‌ని, ప్ర‌భాస్ ఆ భారం మోయ‌ద‌ల‌చుకోలేద‌ని, సున్నితంగా ఆ ఆఫ‌ర్ తిర‌స్క‌రించాడ‌ని, చివ‌రికి నందీశ్వ‌రుడిగా క‌నిపించ‌డానికి ఒప్పుకొన్నాడ‌ని ఇన్ సైడ్ వ‌ర్గాల టాక్‌.

శివుడి పాత్ర‌లో బాలీవుడ్ స్టార్ అక్ష‌య్ కుమార్ క‌నిపించ‌నున్నాడు. ఈ చిత్రంలో న‌య‌న‌తార‌, మోహ‌న్ లాల్‌, శివ‌రాజ్ కుమార్‌. మంచు మోహ‌న్ బాబు, బ్ర‌హ్మ‌నందం కీల‌క పాత్ర‌లు పోషిస్తున్న సంగ‌తి తెలిసిందే. న్యూజీలాండ్ లో ఓ కీల‌క షెడ్యూల్ పూర్తి చేసుకొంది. ‘క‌ల్కి’ షూటింగ్ హ‌డావుడి పూర్త‌యిన వెంట‌నే ప్ర‌భాస్ ‘క‌న్న‌ప్ప‌’కు కాల్షీట్లు కేటాయిస్తాడ‌ని టాక్‌.