ఓ పక్క కమర్షియల్ సినిమాలు తీస్తూనే మరో వైపు భక్తిరస సినిమాలతో అలరిస్తున్న స్టార్ హీరో నాగార్జున ప్రస్తుతం మరోసారి ప్రేక్షకులకు తన భక్తిరస పరవశాన్ని చూపించేందుకు రెడీ అవుతున్నాడు. కె.రాఘవేంద్ర రావు దర్శకత్వంలో హతిరాం బాబా జీవితం కథ ఆధారంగా తెరకెక్కించే సినిమాలో నాగార్జున హతిరాంగా చేయనున్నారు. ఈ సినిమాకు ‘ఓం నమో వెంకటేశా’ అనే టైటిల్ కూడా పెట్టడం జరిగింది. అయితే ఈ సినిమాలో ఓ పాత్రలో కంచె హీరోయిన్ ప్రగ్యా జైశ్వాల్ ను సెలెక్ట్ చేసినట్టు సమాచారం.
మిర్చిలాంటి కుర్రాడు సినిమాతో ఎంట్రీ ఇచ్చిన ప్రగ్యా కంచె సినిమాతో తానేంటో ప్రూవ్ చేసుకుంది. అందం అభినయం కలగలిపిన ఈ అమ్మడు ప్రేక్షకుల మనసు దోచుకుంది. అయితే కంచె తర్వాత కెరియర్ పై జాగ్రత్తగా నిర్ణయం తీసుకుంటున్న ప్రగ్యా, కింగ్ నాగార్జున సినిమాలో సెలెక్ట్ అవడం విశేషం. కంచె సినిమాలో ఆమె పర్ఫార్మెన్స్ చూసి రాఘవేంద్ర రావు ఆమెను ఈ సినిమాలో తీసుకున్నారట. వచ్చిన ఈ లక్కీ ఛాన్స్ ను ప్రగ్యా జైశ్వాల్ ఎలా తన కెరియర్ కు ఉపయోగపడేలా మలచుకోనుందో చూడాలి.
