క‌థానాయిక‌ల్ని అటూ ఇటూ మార్చుకోవ‌డం మంచు బ్ర‌దర్స్‌కి అల‌వాటే. ఇప్పుడు అదే పున‌రావృతం అయ్యింది. గుంటూరోడులో మంచు మ‌నోజ్ ప‌క్క‌న క‌థానాయిక‌గా న‌టించింది ప్ర‌గ్యా జైస్వాల్‌. ఇప్పుడు అన్న‌య్య విష్ణుతో జ‌ట్టు క‌ట్ట‌డానికి రెడీ అయిపోయింది. విష్ణు క‌థానాయ‌కుడిగా న‌టిస్తున్న చిత్రం ఆచారి అమెరికా యాత్ర‌. జి.నాగేశ్వ‌ర‌రెడ్డి ద‌ర్శ‌కుడు. బ్ర‌హ్మానందం కీల‌క పాత్ర పోషిస్తున్నారు. ఈ సినిమాలో క‌థానాయిక‌గా ప్ర‌గ్యా జైస్వాల్‌ని ఎంచుకొన్న‌ట్టు స‌మాచారం. మిర్చీ లాంటి కుర్రాడు సినిమాతో టాలీవుడ్‌లోకి అడుగుపెట్టింది ప్ర‌గ్యా. ఆ సినిమా ఫ్లాప్‌. కంచెతో ప్ర‌గ్యాకి బ్రేక్ వ‌చ్చింది. ఆ సినిమాకి విమ‌ర్శ‌కుల ప్ర‌శంస‌లు వ‌చ్చినా డ‌బ్బులు రాలేదు.న‌మో వేంక‌టేశాయ‌లో క‌నిపిస్తే.. అదీ ఫ్లాపే అయ్యింది. అయినా సరే, ఈ అమ్మ‌డికి మంచి మంచి ఆఫ‌ర్లు వ‌స్తున్నాయి. ప్ర‌స్తుతం బెల్లం కొండ శ్రీ‌నివాస్ సినిమాలో క‌థానాయిక‌గా న‌టిస్తోంది ప్ర‌గ్యా. ఇప్పుడు విష్ణు సినిమా ప‌ట్టేసింది. మ‌రి ఈసారైనా ప్ర‌గ్యాకి హిట్ ద‌క్కుతుందో లేదో చూడాలి.