ప్ర‌భాస్ అభిమానుల విజ‌య దాహాన్ని తీర్చింది ‘స‌లార్’. ప్ర‌శాంత్ నీల్ మ‌రోసారి త‌న మేకింగ్ తో అద‌ర‌గొట్టాడు. స‌లార్‌పై కొన్ని అసంతృప్తులు ఉన్నా, బాక్సాఫీసు విజ‌యాన్ని ఆప‌లేక‌పోయాయి. ఇప్పుడు అంద‌రి దృష్టీ ‘స‌లార్ 2’పైనే ఉంది. నిజానికి ‘స‌లార్ 1’కీ, ‘స‌లార్ 2’కీ మ‌ధ్య కాస్త బ్రేక్ తీసుకొని, మ‌రో సినిమా పూర్తి చేద్దామ‌నుకొన్నాడు ప్ర‌శాంత్ నీల్. 2025లో స‌లార్ 2 మొద‌లెడ‌దామ‌నుకొన్నాడు. అయితే ఆ ప్లానింగ్ మారింది. ముందు స‌లార్ 2 పూర్తి చేసి, ఆ త‌ర‌వాతే.. మిగిలిన ప్రాజెక్టుల్ని ప‌ట్టాలెక్కించాల‌ని చూస్తున్నాడు. ఈ యేడాదే ‘స‌లార్ 2’ ప‌నులు మొద‌ల‌వుతాయ‌ని తెలుస్తోంది. 2025 చివ‌ర్లో ‘స‌లార్‌ 2’ ప్రేక్ష‌కుల ముందుకు వ‌చ్చే ఛాన్సుంది.

‘స‌లార్ 2’కి సంబంధించి ఇప్ప‌టికే కొంత షూటింగ్ అయ్యింది. పైగా ‘స‌లార్‌’ కోసం వేసిన కొన్ని సెట్లు అలానే ఉన్నాయి. అందుకే ఈ వేడిలోనే ‘స‌లార్ 2’ పూర్తి చేస్తే మంచిద‌న్న‌ది ప్ర‌శాంత్ నీల్ భావ‌న‌. ఎన్టీఆర్‌, రామ్ చ‌ర‌ణ్‌ల కోసం ప్ర‌శాంత్ నీల్ కొన్ని క‌థ‌లు సిద్ధం చేసుకొంటున్నాడు. వీటిలో ఎన్టీఆర్ సినిమానే ముందుగా మొద‌ల‌వుతుంది. ‘దేవ‌ర‌’ త‌ర‌వాత ఎన్టీఆర్ చేసే సినిమా ప్ర‌శాంత్ నీల్ తోనే. ‘దేవ‌ర‌’ కూడా పార్ట్ 2 ఉంది కాబ‌ట్టి, ఎన్టీఆర్ అందుబాటులోకి రావ‌డానికి కొంత స‌మ‌యం ప‌డుతుంది కాబ‌ట్టి… ‘స‌లార్ 2’పై ప్ర‌శాంత్ ఫోక‌స్ చేస్తున్నాడు.