అ, క‌ల్కి, జాంబిరెడ్డి చిత్రాల‌తో ఆక‌ట్టుకొన్నాడు ప్ర‌శాంత్ వ‌ర్మ‌. ఇప్పుడు హను-మాన్ రూపొందిస్తున్నాడు. తేజా స‌జ్జా క‌థానాయ‌కుడిగా న‌టించిన ఈ చిత్రం త్వ‌ర‌లో విడుద‌ల కాబోతోంది. ఈలోగా నంద‌మూరి బాల‌కృష్ణ‌తో సినిమా చేసే ఆఫ‌ర్ అందుకొన్నాడు. ఆహాలో స్ట్రీమింగ్ అయిన ‘అన్ స్టాపబ‌బుల్‌’కి ప్ర‌శాంత్ వ‌ర్మ‌నే ద‌ర్శ‌కుడు. ఆ షో బాగా పాపుల‌ర్ అయ్యింది. అందుకే.. ప్ర‌శాంత్ వ‌ర్మ‌కి బాల‌య్య ఆఫ‌ర్ ఇచ్చాడు. బోయ‌పాటి శ్రీ‌నుతో సినిమా పూర్త‌య్యాక ప్ర‌శాంత్ వ‌ర్మ సినిమా ప‌ట్టాలెక్కే అవ‌కాశం ఉంది.

ప్ర‌శాంత్ వ‌ర్మ క‌థ‌ల‌న్నీ కొత్త స్టైల్ లో ఉంటాయి. ప్ర‌తీ సినిమా.. ఓ కొత్త జోన‌ర్‌లో సాగుతుంటుంది. మ‌రి బాల‌య్య సినిమా ఎలా ఉండ‌బోతోంది? ఈ సినిమా కోసం ప్రశాంత్ వ‌ర్మ ఏం చేయ‌బోతున్నాడు? అనే ఆస‌క్తి నెల‌కొంది. ఈ సంద‌ర్భంగా బాల‌య్య సినిమా గురించి కొంత స్ప‌ష్ట‌త ఇచ్చాడు ప్ర‌శాంత్ వ‌ర్మ‌. ”ఈ సినిమా నా స్టైల్ లో కొంత‌.. బాల‌య్య గారి స్టైల్‌లో కొంత ఉంటుంది. ఆయ‌న రాయ‌ల‌సీమ ఫ్యాక్ష‌న్ క‌థ‌లతో పాటు అన్ని ర‌కాల క‌థ‌లూ చేసేశారు. అందురు రౌడీల‌నూ కొట్టేశారు. ఆయ‌న చేయ‌నిదేదో ఈ క‌థ‌లో చూపించాలి. ఓ కొత్త ప్రపంచం సృష్టించాలి. అందుకు త‌గిన క‌థ కూడా సిద్థం చేస్తున్నా. బేసిక్ ఐడియా కూడా ఆయ‌న‌కు చెప్పేశా. దానిపై వ‌ర్క్ చేయాలి” అంటూ క్లారిటీ ఇచ్చారు.