ప్రశాంత్ వర్మ మంచి క్రియేటివిటీ వున్న దర్శకుడు. తన ఐడియాలు డిఫరెంట్ గా వుంటాయి. తన కాన్సెప్ట్స్ లో కొత్తదనం వుంటుంది. సినిమాలే కాకుండా టీవీ షోలకు ప్రోమోలు డిజైన్ చేయడంలోనూ ఆయన దిట్ట. నందమూరి బాలకృష్ణ అన్ స్టాపబుల్ షోకి ఒక వెరైటీ ప్రోమో కట్ చేసి బాలయ్యని కొత్తగా చూపించాడు ప్రశాంత్. ఇది బాలయ్య అభిమానులు కూడా చాలా నచ్చింది. అలా బాలయ్యకు ఒక కథ చెప్పే అవకాశం వచ్చింది అందుకున్నాడు ప్రశాంత్. ఆయన చెప్పిన కథ బాలయ్యకు కూడా నచ్చింది. అయితే గ్రీన్ సిగ్నల్ అనేది ‘హనుమాన్’ రిజల్ట్ మీద ఆదారపడివుంది.
ఈ విషయాన్ని స్వయంగా చెప్పాడు ప్రశాంత్ వర్మ. ‘బాలకృష్ణ గారికి కథ చెప్పాను. ఆయనకి నచ్చింది. ఇప్పుడు హనుమాన్ సినిమా విజయం చాలా కీలకం. ఈ సినిమా రిజల్ట్ ని బట్టే తన తర్వాత కార్యచరణ వుంటుంది. నామీద నమ్మకం కుదరాలంటే ఈ సినిమా తప్పకుండా విజయం సాధించాలి. అందుకే ఇప్పుడే బాలకృష్ణ గారి సినిమా గురించి చెప్పలేకపోతున్నాను. హనుమాన్ అనుకున్న విజయం సాధిస్తే నా ప్లాన్స్ అన్నీ సజావుగా ముందుకు సాగుతుతాయి” అని చెప్పుకొచ్చాడు ప్రశాంత్ వర్మ. హనుమాన్ 12న ప్రేక్షకుల ముందుకు వస్తోంది. గురువారం సాయంత్రం నుంచే ప్రీమియర్ షోలు కూడా పడుతున్నాయి.
