చంద‌మామ క‌థ‌లు, గ‌రుడ‌వేగ చిత్రాల‌తో ఆక‌ట్టుకొన్నాడు ప్ర‌వీణ్ స‌త్తారు. ఆయ‌న్నుంచి వ‌చ్చిన ఘోస్ట్, గాండీవ‌ధారి అర్జున నిరాశ ప‌రిచాయి. ఇప్పుడు ఆయ‌న‌.. ఓ వెబ్ సిరీస్‌తో బిజీగా ఉన్నారు. అదే.. మిష‌న్ త‌షాఫీ. తిరువీర్ ప్ర‌ధాన పాత్ర పోషిస్తున్న సిరీస్ ఇది. ఇండో – పాక్ నేప‌థ్యంలో సాగే.. వార్ డ్రామా! వెబ్ సిరీస్ల‌లో ఫ్యామిలీ మెన్ ఓ మైల్ స్టోన్‌. మిష‌న్ త‌షాఫీ కూడా అదే స్థాయిలో ఉండ‌బోతోంద‌ని తెలుస్తోంది. నిజానికి ఫ్యామిలీమెన్ వెబ్ సిర‌స్‌లో… గ‌రుడ‌వేగ ల‌క్ష‌ణాలు కొన్ని క‌నిపిస్తుంటాయి. ఆ క‌థ‌నే మ‌రో కోణంలో తీస్తే.. ఫ్యామిలీమెన్ అయ్యింద‌నిపిస్తుంటుంది. ఇప్పుడు ప్ర‌వీణ్‌స‌త్తారు కూడా ఆ స్ఫూర్తితోనే… ఆప‌రేష‌న్ త‌షాఫిని రూపొందిస్తున్నార‌ని టాక్‌. ఇందుకోసం జీ5 భారీ ఎత్తున ఖ‌ర్చు పెడుతోంది. తెలుగులో అత్యంత భారీ బ‌డ్జెట్ తో తెర‌కెక్కిస్తున్న వెబ్ సిరీస్ ఇదే. ఇప్ప‌టికే 40 శాతం షూటింగ్ పూర్త‌యిపోయింది. మ‌రోవైపు… సినిమాల‌పైనా ప్ర‌వీణ్ దృష్టి సారించిన‌ట్టు తెలుస్తోంది. ఎల్‌బీడ‌బ్ల్యూ, చంద‌మామ క‌థ‌ల త‌ర‌హాలోనే నూత‌న తారాగ‌ణంతో ఓ సినిమా రూపొందించే ప‌నిలో ఉన్నాడు ప్ర‌వీణ్. ఆ సినిమా సంగ‌తులు త్వ‌ర‌లోనే బ‌య‌ట‌కు వ‌స్తాయి.