నాగచైతన్య – ప్రవీణ్ సత్తారు కాంబినేషన్ ఇటు ఇండస్ట్రీకి, అటు ఆడియన్స్‌కి స‌ర్‌ప్రైజింగ్ కాంబినేషనే. త్వరలో ఈ కాంబినేషన్ కుదిరే అవకాశాలు ధారాళంగా కనిపిస్తున్నాయ్. ప్రస్తుతం ఇద్దరి మధ్య చర్చలు జోరుగా సాగుతున్నాయ్. చైతన్య కోసం ప్రవీణ్ సత్తారు ఎలాంటి కథ సిద్ధం చేస్తున్నారో మరి?

ప్రవీణ్ సత్తారు మెయిన్ స్ట్రీమ్ హీరోలతో ఒక్క సినిమా చేయలేదు. ‘చందమామ కథలు’తో విమర్శకులను మెప్పించాడు. ‘గుంటూరు టాకీస్’కి వసూళ్లతో పాటు విమర్శలూ వచ్చాయి. రేష్మి అందాలను శృతి మించి చూపించారని! అయితే… ‘గరుడవేగ’తో ఎలాంటి కథనైనా హ్యాండిల్ చేయగలనని నిరూపించుకున్నాడు. నెట్‌ఫ్లిక్స్‌ కోసం ‘శివగామి’ వెబ్‌సిరీస్ కూడా డైరెక్ట్ చేశాడు. త్వరలో చైతన్యతో సినిమాకి సన్నాహాలు చేస్తున్నాడు.

ప్రస్తుతం నాగచైతన్య ‘మజిలీ’లో నటిస్తున్నాడు. శివ నిర్వాణ దర్శకత్వం వహిస్తున్న ఈ సినిమా షూటింగ్ దాదాపు పూర్తి కావొచ్చింది. ఈ నెల 22 నుంచి ‘వెంకీ మామ’ షూటింగ్ స్టార్ట్ చేస్తున్నాడు. అది పూర్తయ్యాక ప్రవీణ్ సత్తారు సినిమా పట్టాలు ఎక్కే అవకాశం వుంది.