కొన్ని సినిమాల కాంబినేషన్ కుదిరితేనే భలే థ్రిల్ అనిపిస్తుంది. ఒకవేళ అవి సినిమాగా కుదరకపోయినా ప్రేక్షకులు ఆ వార్తను ఎంజాయ్ చేస్తారు. అయితే ఇప్పుడు అలాంటి రేర్ కాంబినేషన్ లో ఓ సినిమా ఉంటుందని ఫిల్మ్ నగర్ లో వార్త చెక్కర్లు కొడుతుంది. అదే డేరింగ్ అండ్ డ్యాషింగ్ డైరక్టర్ పూరి దర్శకత్వంలో అల్లరి నరేష్ హీరోగా సినిమా. ఏంటి కామెడీ హీరోకి బాక్సాఫీస్ బద్దలు కొట్టగల సత్తా ఉన్న దర్శకుడితో సినిమానా అని ఆశ్చర్యపోవచ్చు.
వస్తున్న వార్తలను బట్టి అది నిజమే అని తెలుస్తుంది. పూరి ప్రస్తుతం తీస్తున్న రోగ్ సినిమా పూర్తి కాగానే నందమూరి హీరోలతో సినిమా చేస్తున్నాడు. తారక్ తో చెప్పలేం కాని కళ్యాన్ రామ్ తో రీమిక్స్ కు ఫిక్స్ అయిన పూరి అల్లరి నరేష్ తో సినిమా చేసేందుకు స్క్రిప్ట్ సిద్ధం చేసుకుంటున్నాడట. కొద్దికాలంగా సరైన హిట్ లేక సతమతమవుతున్న అల్లరి నరేష్ కు ఇదో గోల్డెన్ ఆఫర్ అని చెప్పొచ్చు.
ప్రస్తుతం బి.వి.ఎస్.ఎన్ ప్రసాద్ నిర్మాణంలో జి.నాగేశ్వర రెడ్డి దర్శకత్వంలో సినిమా చేస్తున్న నరేష్ తర్వాత పూరితో సినిమా చేయడానికి రెడీ అవుతున్నాడట. మరి కామెడీ హీరోతో డ్యాషింగ్ డైరక్టర్ తీసే సినిమా ఎలా ఉంటుందా అని ప్రేక్షకులు ఇప్పటినుండే ఆలోచించడం మొదలు పెట్టారు. ఏది ఏమైనా ఈ వెరైటీ కాంబినేషన్ కచ్చితంగా వర్క్ అవుట్ అవుతుందని మాత్రం చెప్పొచ్చు.
