జైలు జీవితం తర్వాత బాలీవుడ్లో వరుసెంట సినిమాలకు రంగం సిద్ధం చేసుకుంటున్నాడు సంజయ్ దత్. ఇదవరకు కమిట్ అయిన సినిమాలతో పాటు కొత్తగా కూడా భారీ సినిమాలను చేసేందుకు రెడీ అవుతున్నాడు. అయితే ఇందులో ఎవరు ఊహించనిది ఏంటంటే టాలీవుడ్ డేరింగ్ అండ్ డ్యాషింగ్ డైరక్టర్ పూరి జగన్నాథ్ సంజయ్ దత్ తో సినిమా తీసేందుకు ఇంట్రెస్ట్ చూపిస్తున్నాడట. ప్రస్తుతం రోగ్ సినిమా తీస్తున్న పూరి దాని తర్వాత సంజయ్ సినిమానే అని తన సన్నిహితులతో చెబుతున్నాడట .
ఇప్పటికే ఈ సినిమాకు సంబంధించిన చర్చలు కూడా జరిగాయని తెలుస్తుంది. బాలీవుడ్ లో బుద్ధా హోగా తెరా బాప్ సినిమా తీసి మంచి ఫలితాన్ని చవిచూసిన పూరి ఇప్పుడు మరోసారి తన బాలీవుడ్ అదృష్టాన్ని పరిక్షిచుకోబోతున్నాడు. మరి మొన్నటిదాకా కళ్యాణ్ రామ్, మహేష్ లతో సినిమా అంటూ ప్రచారం చేసిన పూరి సడెన్ గా సంజయ్ తో సినిమా ఎలా చేస్తున్నాడో తెలుగు ఆడియెన్స్ కు అర్ధం కావట్లేదు . మరి ఎన్నాళ్లనుండో హిట్ కోసం మోసం వాచిపోయి ఉన్న పూరికి రోగ్ హిట్ అయ్యి తీయబోయే సంజయ్ సినిమా కూడా ట్రెండ్ సృష్టించాలని కోరుకుందాం.
