ప్ర‌స్తుతం మెహ‌బూబా పోస్ట్ ప్రొడ‌క్ష‌న్ ప‌నుల్లో బిజీగా ఉన్నాడు పూరి జ‌గ‌న్నాథ్. ఈ సినిమాని దిల్‌రాజు రిలీజ్ చేయ‌డంతో… పూరికి పెద్ద రిలీఫ్ దొరికిన‌ట్టైంది. దిల్‌రాజుది ల‌క్కీ హ్యాండ్ కాబ‌ట్టి.. త‌న సినిమాకి మంచే జ‌రుగుతుంద‌ని భావిస్తున్నాడు పూరి. ఇది వ‌ర‌కటి సినిమాల‌తో పోలిస్తే `మెహ‌బూబా`కి కాస్త బ‌జ్ వ‌చ్చిన‌ట్టే. త‌న పెట్టుబ‌డి కూడా విడుద‌ల‌కు ముందే తిరిగొచ్చేసింది. సో.. పూరి మ‌రింత రిలాక్డ్స్‌గా ఉన్నాడు. ఇప్పుడు మ‌రో క‌థ‌పై దృష్టి పెట్టాడు. `మెహ‌బూబా` విడుద‌లైన వెంట‌నే ఆకాష్ పూరితో మ‌రో సినిమా ప్లాన్ చేస్తున్నాడు పూరి. `మెహ‌బూబా` ఓ ల‌వ్ స్టోరీ అయితే.. త‌దుప‌రి క‌థ మార్ష‌ల్ ఆర్ట్స్ నేప‌థ్యంలో సాగ‌బోతోంది. ఈ సినిమా కూడా పూరి క‌నెక్ట్స్ సంస్థే నిర్మించ‌బోతోంది. `మెహ‌బూబా` నిర్మాణ బాధ్య‌త‌లు చూసుకున్న ఛార్మి.. ఈసారి కూడా అదే పాత్ర పోషించ‌బోతోంది. ఈసినిమాకి సంబంధించిన పూర్తి వివ‌రాలు త్వ‌ర‌లో తెలుస్తాయి.