పూరి జ‌గ‌న్నాథ్ ద‌ర్శ‌క‌త్వంలో రామ్ క‌థానాయ‌కుడిగా ఓ చిత్రం తెర‌కెక్కుతున్న సంగ‌తి తెలిసిందే. పూరి నిర్మాత‌గా వ్య‌వ‌హ‌రిస్తున్నాడు. ఈచిత్రానికి పండుగాడు అనే టైటిల్ ఖ‌రారు చేశార‌న్న వార్త‌లొచ్చాయి. అయితే ఇప్పుడు కొత్త టైటిల్ ప్ర‌క‌టించింది చిత్ర‌బృందం. ఈ సినిమాకి `ఇస్మార్ట్ శంకర్` అనే పేరు ఖ‌రారు చేశారు. ‘డ‌బుల్ సిమ్ కార్డ్‌’ అనేది ఉప‌శీర్షిక. ఈ సినిమాకి సంబంధించిన టైటిల్ లోగో, ఫ‌స్ట్ లుక్‌ని కొద్ది సేప‌టి క్రితం చిత్ర‌బృందం విడుద‌ల చేసింది. ‘ఇస్మార్ట్… ఇస్మార్ట్ శంకర్’ అంటూ రామ్ చెప్పే డైలాగ్ తో మోష‌న్ పోస్ట‌ర్ క‌ట్ చేశారు. రామ్ లుక్ కూడా మాసీగా ఉంది. పూరి పంచ్‌కి, రామ్ ఎన‌ర్జీ తోడైతే… ఇస్మార్ట్ శంకర్.. అద్భుతాలు సృష్టించే అవ‌కాశం ఉంది. ఈమ‌ధ్య పూరి కెరీర్, అటు రామ్ కెరీర్ రెండూ అటూ ఇటూగా ఊగిస‌లాడుతున్నాయి. ఈ నేప‌థ్యంలో ‘ఇస్మార్ట్..’గా వీరిద్ద‌రూ ఏం చేస్తార‌న్న‌ది ఆస‌క్తిగా మారింది.
పూరి – రామ్ టైటిల్: ‘ఇస్మార్ట్ శంకర్’
