సుకుమార్ సినిమాల్లో ఐటెం సాంగ్స్ కి సెపరేట్ ఫ్యాన్ బేస్ వుంది. పుష్ప లో ‘ఊ అంటావా’ సాంగ్ వైరల్ అయ్యింది. ఆ సినిమాకి నార్త్ క్రేజ్ తీసుకొచ్చిన ఎలిమెంట్స్ లో ఈ సాంగ్ కూడా వుంది. ఇప్పుడు పుష్ప2లో కిస్సిక్ అనే ఓ ప్రత్యేక గీతం పెట్టారు. ఈ పాట కోసం డాన్సింగ్ క్వీన్‌ శ్రీలీల డ్యాన్స్ చేయడం మరో విశేషం.

ఎంతగానో ఎదురుచూసిన ‘పుష్ప 2’ కిస్సిక్‌ సాంగ్ బయటికి వచ్చింది. ”రేయ్ అందరూ వచ్చి ఉండారు గాని పార్టీకి ఇప్పుడు దించరా ఫోటో కిసిక్ అని’ అంటూ సుకుమార్ వాయిస్ ఓవర్ తో ఈ పాట మొదలైంది. ఫోటో థీమ్ చుట్టూ నడిచిన సాంగ్ ఇది. కథలో సందర్భం ఏమిటో కానీ ఫోటో చుట్టూ ఈ సాహిత్యం సాగింది.

మామయ్య వచ్చాడు దించు
బావయ్య వచ్చాడు దించు
చిచ్చా వచ్చాడు దించు
మచ్చా వచ్చాడు దించు
పిలిచినోడు వచ్చాడు దించు
పిలవనోడు వచ్చాడు దించు
మా వాడు వచ్చాడు.. మీ ఓడొచ్చాడు వచ్చాడు..వాళ్ళతో ఫోటో వీళ్ళతో ఫోటో ఆల్బమ్ లోఅంటించు.. మరి నాతో దిగిన బొమ్మ బాబు లాకర్లో దాచుంచు..పుసుక్కున ఈ కిసుక్కులు బయటికి వచ్చాయో దెబ్బలు పడతాయి రాజా” ఇలా సాగింది చంద్రబోస్ సాహిత్యం.

దేవిశ్రీప్రసాద్ మాస్ క్యాచి ట్యూన్ చేయడం మరోసారి తన మార్క్ చూపించారు. వినగానే కనెక్ట్ అయ్యే ట్యూన్ ఇది. దెబ్బలుపడతాయి రాజా అనే హుక్ ఫ్రేజ్ వైరల్ అవ్వడం ఖాయంగా కనిపిస్తుంది. లిరికల్ వీడియోలో డ్యాన్స్ మూమెంట్స్ పెద్దగా చూపించలేదు. పుష్ప రాజ్ స్టయిల్ లో వేసిన ఓ మాస్ స్టెప్ వుంది. శ్రీలీల తన గ్రేస్ చూపించింది. ఇదొక పార్టీ సాంగ్. థియేటర్ లో ఈ సాంగ్ ఓ రేంజ్ లో పేలడం ఖాయంగా కనిపిస్తోంది. డిసెంబర్ 5న సినిమా ప్రేక్షకులు ముందుకు వస్తోంది.