ఈనెల 8న అల్లు అర్జున్ పుట్టిన రోజు. ఈ సంద‌ర్భంగా ‘పుష్ష 2’ టీజ‌ర్ వ‌స్తుంద‌ని అంద‌రూ ఎదురు చూస్తున్నారు. అనుకొన్న‌ట్టుగానే చిత్ర‌బృందం టీజ‌ర్ అప్ డేట్ ఇచ్చేసింది. బ‌న్నీ పుట్టిన రోజున టీజ‌ర్ చూపిస్తామంటూ అధికారికంగా ప్ర‌క‌టించింది. ఇప్ప‌టికే ఈ టీజ‌ర్‌కి సంబంధించిన ఎడిటింగ్ వ‌ర్క్ పూర్త‌య్యింది. ప్ర‌స్తుతం దేవిశ్రీ ప్ర‌సాద్ బ్యాక్ గ్రౌండ్ స్కోర్ అందిస్తున్నాడు. ‘పుష్ష‌’లో ‘పుష్ష అంటే ఫ్ల‌వ‌రుకొంటున్నావా.. ఫైరు’ అనే డైలాగ్ ఉంది క‌దా. ఆ స్థాయిలో మ‌రో పంచ్ డైలాగ్‌తోనే ఈ టీజ‌ర్ పూర్త‌వ‌బోతోంద‌ని ఇన్ సైడ్ వ‌ర్గాల టాక్. ‘పుష్ష‌’గా క‌థానాయ‌కుడి ఎదుగుద‌ల మొత్తం ఈ టీజ‌ర్లో చూపించ‌నున్నారు.

పుష్ష 2 విడుదల తేదీపై చాలా సందేహాలు ఉన్నాయి. ముందే అనుకొన్న‌ట్టు ఆగ‌స్టు 15న ఈ సినిమా రావ‌డం క‌ష్ట‌మ‌ని అంద‌రి ఊహ‌. అయితే చిత్ర‌బృందం ఇప్ప‌టికీ ఆగ‌స్టు 15నే వ‌స్తామంటోంది. టీజ‌ర్‌లో కూడా ఇదే రిలీజ్ డేట్ వేయ‌బోతున్న‌ట్టు స‌మాచారం. సో.. రిలీజ్ డేట్ విష‌యంలోనూ సుకుమార్ అండ్ టీమ్ క్లారిటీగానే ఉంది. బ‌న్నీ బ‌ర్త్‌డే రోజునే అట్లీ సినిమాకు సంబంధించిన అప్ డేట్ కూడా వ‌చ్చే అవ‌కాశం ఉంది.