తెలుగులో దర్శకులుగా మారిన హీరోలను వేళ్ళ మీద లెక్క పెట్టవచ్చు. అప్పట్లో ఎన్టీఆర్, కృష్ణలు డైరెక్షన్ చేశారు. అంతకు ముందు తొలి తరంలో దర్శకత్వం చేసిన నటులు ఎక్కువ. చిరంజీవి జనరేషన్‌లో ఎవరూ డైరెక్షన్ చేయలేదు. ఈతరంలో పవన్ కల్యాణ్ డైరెక్షన్ చేశారు. ఇండస్ట్రీలోకి హీరోలుగా వచ్చి డైరెక్షన్ చేసిన ఈ లిస్టులోకి చేరిన లేటెస్ట్ హీరో ‘అందాల రాక్షసి’ ఫేమ్ రాహుల్ రవీంద్రన్. అక్కినేని నాగార్జున మేనల్లుడు సుశాంత్ హీరోగా నటిస్తున్న ‘చిలసౌ’తో అతను దర్శకుడిగా మారుతున్న సంగతి తెలిసిందే. ఈ సినిమా షూటింగ్ కొంత జరిగాక అక్కినేని ఫ్యామిలీ బ్యానర్ అన్నపూర్ణ స్టూడియో ప్రొడ‌క్ష‌న్‌లో పార్టనర్ అయ్యింది. అంతే కాదు… రాహుల్ రవీంద్రన్‌ డైరెక్షన్‌లో మరో సినిమా చేయడానికి ముందుకొచ్చింది. దర్శకుడిగా మొదటి సినిమా విడుదలకు ముందే మరో ఛాన్స్ అందుకున్నాడు రాహుల్ రవీంద్రన్. ఇందులో హీరో, నటీనటులు, ఇతర వివరాలు ఇంకా ఫైనలైజ్ కాలేదని అతను చెప్పాడు.