తెలుగులో మంచి విజ‌యాన్ని అందుకున్న సినిమా ‘హిట్’. నాని నిర్మాత‌గా రూపొందిన ఈ చిత్రంలో విశ్వ‌క్ సేన్ క‌థానాయకుడు. ఈ చిత్రం ఇప్పుడు హిందీలో రీమేక్ అవ్వ‌బోతోంది. దిల్‌రాజు నిర్మాత. ఇప్పుడు ఈ హిందీ రీమేక్ లో హీరో ఫిక్స‌య్యాడు. రాజ్ కుమార్ రావ్‌ని `హిట్` క‌థానాయ‌కుడిగా ఎంచుకున్నారు. తెలుగు లో తీసిన శైలేష్ నే ద‌ర్శ‌క‌త్వం వ‌హించ‌నున్నారు. 2021 ప్ర‌ధ‌మార్థంలో ఈ చిత్రం సెట్స్‌పైకి వెళ్ల‌నుంది.
మ‌రోవైపు .. హిట్ సీక్వెల్‌కీ ప్ర‌య‌త్నాలు మొద‌లయ్యాయి. హిట్ కి సీక్వెల్ ఉంటుంద‌న్న హింట్‌.. ఆ క్లైమాక్స్ లోనే ఇచ్చేశారు. దానికి త‌గిన‌ట్టుగా స్క్రిప్టు త‌యారు చేస్తున్నారు. అయితే ఇందులో విశ్వ‌క్ సేన్ న‌టిస్తాడా? మ‌రో హీరో చేస్తాడా? అనే సంగ‌తి తెలియాల్సివుంది.
