కుర్ర హీరో రాజ్ త‌రుణ్ సుడి ఓ రేంజులో తిరుగుతోంది. వ‌రుస‌గా మూడు హిట్ల‌తో హ్యాట్రిక్ కొట్టాడు. ఆ త‌ర‌వాత సీత‌మ్మ అందాలు – రామ‌య్య సిత్రాలు ఫ్లాప్ అయ్యింది. అయినా.. త‌రుణ్ క్రేజ్ ఏమాత్రం త‌గ్గ‌లేదు. తాజాగా ఈడోర‌కం – ఆడోర‌కం సినిమా కూడా హిట్ బాట ప‌ట్టేసింది. ఇది మంచు విష్ణు సినిమాగా చ‌లామ‌ణీ అయిన‌ప్ప‌టికీ, టికెట్లు తెగుతోంది మాత్రం పోస్ట‌రుపై రాజ్ త‌రుణ్ బొమ్మ‌చూసే. అందుకే ఇదే అదును అనుకొని మ‌రోసారి త‌న రెమ్యున‌రేష‌న్ పెంచేశాడ‌ట రాజ్‌త‌రుణ్‌. కుమారి 21 ఎఫ్ కి రూ.60 ల‌క్ష‌లు అందుకొన్న ఈ కుర్రాడు.. ఇప్పుడు ఏకంగా రూ.కోటి వ‌ర‌కూ డిమాండ్ చేస్తున్నాడ‌ట‌.

దీపం ఉండ‌గానే ఇల్లు చ‌క్క‌బెట్టుకోవాలి అంటారు. దాన్ని రాజ్‌త‌రుణ్ కూడా ఫాలో అవుతున్నాడు. ఉయ్యాల జంపాలకు త‌రుణ్ అందుకొన్న‌ది ఆరు ల‌క్ష‌లేన‌ట‌. ఆ త‌ర‌వాత సినిమా చూపిస్త‌మావ‌కు రూ.20 ల‌క్ష‌లు ప‌లికాడు. ఆ హిట్టుతో కుమారి 21 ఎఫ్‌కి మూడు రెట్లు అధికంగా పారితోషికం అందుకొన్నాడు. ఈడోర‌కం.. కోసం మంచు ఫ్యామిలీ ఇచ్చినంత మారు మాట్లాడ‌కుండా తీసుకొన్నాడు త‌రుణ్‌. ఇప్పుడు మాత్రం రూ. కోటి ఇవ్వాల్సిందే అంటున్నాడ‌ట‌. రాజ్‌త‌రుణ్ మేనేజ‌ర్ రాజార‌వీంద్ర ఏకంగా 1.25 ల‌క్ష‌ల‌ రూపాయ‌లు డిమాండ్ చేసి.. ఆఖ‌ర్లో బేరాన్ని రూ.కోటికి ఫిక్స్ చేస్తున్నాడ‌ట‌. ఇప్పుడు రాజ్‌.. హావాన‌డుస్తోంది. అందుకే.. అడిగినంత ఇవ్వ‌డానికి కూడా నిర్మాత‌లు ఎగ‌బ‌డుతున్నారు. చూద్దాం.. ఈ వెలుగు ఎంత కాల‌మో?