ఉయ్యాల జంపాల సినిమాతో హీరోగా ఎంట్రీ ఇచ్చిన రాజ్ తరుణ్ రీసెంట్ గా సినిమా చూపిస్త మావతో కూడా సూపర్ హిట్ కొట్టాడు. ప్రస్తుతం కుమారి 21ఎఫ్ సినిమాతో రాబోతున్న రాజ్ కెరియర్ సూపర్ ఫాంలో నడుస్తుంది. ఓ పక్క వర్మతో మూకీ సినిమా చేస్తున్న రాజ్ తరుణ్ కి మరో బంపర్ ఆఫర్ కొట్టేశాడని ఫిల్మ్ నగర్ టాక్. కొన్ని రోజుల క్రితం పంజాబి సినిమా రీమేక్ రైట్స్ తీసుకున్న విష్ణు ఆ సినిమాలో సెకండ్ హీరోగా కుర్ర హీరో అవసరం ఉండటంతో ఇన్నాళ్లు ఎవరు ముందుకు రాక ఆ ప్రాజెక్ట్ పట్టాలెక్క లేదు.
అయితే ఆ సినిమా గురించి విష్ణు తన టీంతో రాజ్ తో డిస్కస్ చేయడం దానికి రాజ్ తరుణ్ కూడా ఓకే చెప్పడం జరిగాయట. జి. నాగేశ్వర్ రెడ్డి డైరెక్ట్ చేస్తున్న ఈ సినిమా కొద్దిరోజుల్లో ప్రారంభం కానుంది. ప్రస్తుతం నాగేశ్వర్ రడ్డి సుశాంత్ హీరోగా ఆటాడుకుందాం రా.. సినిమా చేస్తున్నాడు. దర్శకుడు ఆ సినిమా కంప్లీట్ చేసిన వెంటనే ఈ సినిమా స్టార్ట్ చేసే అవకాశం ఉందట. మంచు విష్ణు, రాజ్ తరుణ్ కలిసి నటిస్తున్న ఈ సినిమాను మంచు విష్ణు తన 24 ఫ్రేమ్స్ బ్యానర్లో నిర్మించబోతున్నాడు.
మరి మంచు హీరో సినిమాలో చాన్స్ కొట్టేశాడంటే రాజ్ మరింత ఐడెంటిటీ సంపాధిచినట్టే.. ప్రస్తుతం కుర్రాడు మంచి జోష్ లో ఉన్నాడని తెలుస్తుంది. మరి ఈ ఫాం ఇలానే కొనసాగాలని, తను తీసే సినిమాలు కూడా మంచి ప్రేక్షకాదరణ పొందాలని కోరుకుందాం.
