రాజ్‌త‌రుణ్‌ ఈసారి హిట్టు కొడతాడని నమ్ముతున్నారంతా. హిట్ సినిమాల ప్రొడ్యూసర్ దిల్ రాజు ప్రొడక్షన్ హౌస్‌లో రాజ్‌త‌రుణ్‌ హీరోగా నటిస్తున్న ‘లవర్’. ఈ సినిమా మోషన్ పోస్టర్, ఫస్ట్ లుక్కు, రిలీజ్ డేట్ నిన్న అనౌన్స్ చేశారు. దిల్ రాజు బ్రాండ్ వేల్యూకి తోడు అంతకు ముందు ‘అలా ఎలా?’ అంటూ వినోదాత్మక ప్రేమకథ తీసిన అనీష్ కృష్ణ ఈ సినిమాకి దర్శకుడు కావడంతో ప్రేక్షకుల్లో నమ్మకం కలుగుతోంది. వీటన్నిటికీ మించి రాజ్‌త‌రుణ్‌ లుక్ అందర్నీ అట్ట్రాక్ట్ చేసింది. హెయిర్ స్టయిల్ చేంజ్ చేశాడు. పోనీ టైయిల్‌తో కొత్తగా కనిపించాడు. భలే వుంది అనుకున్నారంతా. కానీ, దర్శకుడి గురించి బాగా తెలిసినవాళ్లు మాత్రం అలా అనుకోలేదు. ఎందుకంటే… రాజ్‌త‌రుణ్‌ది సేమ్ టు సేమ్ దర్శకుడి లుక్కే! అనీష్ కృష్ణ రెగ్యులర్‌గా ఈ లుక్కులో కనిపిస్తారు. మరి, ఈ లుక్కు ఒక్కటేనా? హీరో క్యారెక్టర్, క్యారెక్టరైజేషన్ కూడా తనను స్ఫూర్తిగా తీసుకొని రాసుకున్నారో? జూలై రెండోవారంలో ఈ సినిమాను రిలీజ్ చేయడానికి సన్నాహాలు చేస్తున్నారు.