ప్ర‌భాస్ ఫుల్ బిజీ అయిపోయాడు. చేతి నిండా సినిమాలే. ప్ర‌స్తుతానికైతే ‘క‌ల్కి’, ‘రాజాసాబ్‌’ ప‌ట్టాల‌పై ఉన్నాయి. ‘క‌ల్కి’ని పూర్తి చేసేంత వ‌ర‌కూ రాజా సాబ్‌కి డేట్లు ఇచ్చే ప‌రిస్థితి లేదు. ‘రాజాసాబ్‌’ టీమ్ మొత్తం ప్ర‌భాస్ ఎప్పుడొస్తాడా అని వేయి క‌ళ్ల‌తో ఎదురు చూస్తోంది. మ‌ధ్య‌మ‌ధ్య‌లో చిన్నా చిత‌కా షెడ్యూల్స్ త‌ప్ప‌, ‘రాజాసాబ్‌’ షూటింగ్ నిర‌వ‌ధికంగా సాగ‌డం లేదు. ప్ర‌భాస్ బ‌ల్క్ డేట్లు ఇస్తే బాగుంటుంద‌న్న‌ది మారుతి ఆశ‌. అయితే ఇన్నాళ్ల‌కు ‘రాజాసాబ్‌’ని ప్ర‌భాస్ క‌రుణించాడు. బ‌ల్క్ డేట్లు ఇవ్వ‌డానికి సిద్ధప‌డ్డాడు. ఏప్రిల్ మొద‌టి వారం నుంచి `రాజాసాబ్‌` సెట్లో మ‌రోసారి అడుగు పెట్ట‌బోతున్నాడు ప్ర‌భాస్‌. ఈసారి ఓ పెద్ద షెడ్యూల్ ఫినిష్ చేసేంత వ‌ర‌కూ టీమ్ తోనే ఉంటాన‌ని మాటిచ్చిన‌ట్టు టాక్‌. దాంతో.. మారుతి త‌దుప‌రి షెడ్యూల్ ని భారీగా ప్లాన్ చేసుకొంటున్నారు. ఈ షెడ్యూల్ లో సంజ‌య్‌ద‌త్ తో పాటు ప్ర‌ధాన తారాగ‌ణం అంతా పాల్గొన‌బోతోంద‌ని తెలుస్తోంది. పీపుల్ మీడియా ఫ్యాక్ట‌రీ సంస్థ ఈ చిత్రాన్ని అత్యంత భారీ స్థాయిలో నిర్మిస్తోంది. 2025 సంక్రాంతికి ఈ చిత్రాన్ని తీసుకురావాల‌న్న‌ది ప్లాన్.