రాజమౌళి తనయుడు కార్తికేయ నిర్మాతగా మారి రూపొందించిన సినిమా… ఆకాశవాణి. రాజమౌళి శిష్యుడు అశ్విన్ గంగరాజు ఈ సినిమాతో దర్శకుడిగా పరిచయం అవుతున్నాడు. షూటింగ్ మొత్తం పూర్తయ్యింది. అయితే… చివర్లో రాజమౌళి మార్క్ మార్పులు మొదలైపోయాయి. ఈ సినిమా లో విలన్ పాత్ర చాలా కీలకం. ఆ పాత్ర చుట్టూనే సినిమా నడుస్తుంది. ఈ పాత్ర కోసం ఓ కొత్త నటుడ్ని తీసుకున్నారు. షూటింగ్ అంతా అయిపోయాక… రాజమౌళికి ఈ పాత్రని తీర్చిదిద్దిన విధానం నచ్చలేదట. అందుకే… మరో నటుడ్ని తీసుకొచ్చి రీ ప్లేస్ చేశారు. అందుకు సంబంధించిన సన్నివేశాలన్నీ రీషూట్ చేసుకుంటూ వెళ్లారు. ఇప్పటికి షూటింగ్ ఓ కొలిక్కి వచ్చింది. నిజానికి ఆగస్టులోనే ఈ సినిమాని విడుదల చేయాలనుకున్నారు. రీషూట్ల వల్ల ఆలస్యం అయ్యింది. కీరవాణి తనయుడు కాలభైరవ సంగీత దర్శకుడిగా మారిన ఈ చిత్రానికి బుర్రా సాయిమాధవ్ సంభాషణలు అందించారు.