క‌బాలీ ఫీవ‌ర్ మొద‌లైపోయింది. ఎప్పుడైతే క‌బాలిగా ర‌జ‌నీకాంత్ ఫ‌స్ట్ లుక్ బ‌య‌ట‌కు వ‌చ్చిందో.. అప్ప‌టి నుంచీ ర‌జ‌నీ ఫ్యాన్స్ ఆకాశ‌మే హ‌ద్దుగా చెల‌రేగిపోతున్నారు. ఇప్పుడు క‌బాలి టీజ‌ర్ సంద‌డి చేస్తోంది. అందులో ర‌జ‌నీ స్టైల్‌, డైలాగ్స్ చూసి… ఫ్యాన్స్ మురిసిపోతున్నారు. సూప‌ర్ స్టార్ ఈజ్ బ్యాక్‌.. అంటూ ఉప్పొంగుతున్న అభిమానంతో ప‌ర‌వ‌శించిపోతున్నారు. కబాలి టీజ‌ర్ చిత్ర‌సీమ‌కు స‌రికొత్త ఉత్సాహాన్నిచ్చింది. ద‌ర్శ‌కులు, క‌థానాయ‌కులు వారెవా.. ర‌జ‌నీ అంటూ కితాబులిస్తున్నారు. ఆ జాబితాలో ద‌ర్శ‌క ధీరుడు రాజ‌మౌళి కూడా చేరిపోయాడు.

క‌బాలి టీజ‌ర్ రాజ‌మౌళికి తెగ న‌చ్చేసింద‌ట‌. అందుకే దిస్ ఈజ్ స్టైల్‌, దిస్ ఈజ్‌ ర‌జ‌నీ, దిస్ ఈజ్ త‌లైవా అంటూ ట్వీట్ చేశాడు. ఈగ సినిమా చూసి ర‌జ‌నీకాంత్ రాజ‌మౌళికి ఫ్యాన్ అయిపోయిన సంగ‌తి తెలిసిందే. బాహుబ‌లికి సెట్‌కి రావాల‌ని ఉంది.. అంటూ ఓ సంద‌ర్భంలో రాజ‌మౌళి గురించి ఓ వేదిక‌పై గొప్ప‌గా మాట్లాడాడు ర‌జ‌నీకాంత్‌. దాంతో రాజ‌మౌళి కూడా మురిసిపోయాడు. ఇప్పుడు క‌బాలి టీజ‌ర్ చూసి త‌న అభిమానాన్ని మ‌రోసారి చాటుకొన్నాడు రాజమౌళి. రాధిక ఆప్టే క‌థానాయిక‌గా న‌టించిన ఈ చిత్రం జూన్ మొద‌టి వారంలో క‌బాలి విడుద‌ల కాబోతోంది.