నాగార్జున, కార్తి, తమన్నా ప్రధాన పాత్రలలో నటించిన ఊపిరి సినిమా నిన్న ప్రపంచ వ్యాపతంగా 2000 థియేటర్లలో విడుదలయ్యి మంచి పాజిటివ్ టాక్ సంపాదించుకొంది. ఎప్పుడూ ప్రయోగాలకు సిద్దంగా ఉండే నాగార్జున ఈ సినిమాలో నడుం క్రింద భాగం చచ్చుబడి, వీల్ చైర్ కే పరిమితమయిన కోటీశ్వరుడి పాత్రలో అత్యద్భుతంగా నటించారు. అతనికి సహాయకుడిగా కార్తి కూడా పోటీపడి మరీ నటించాడు. ఈ సినిమా ‘అన్ టచబుల్స్’ అనే ఫ్రెంచ్ సినిమాకి రీమేక్. దానిని దర్శకుడు వంశీ అత్యద్భుతంగా తెలుగులో రీమేక్ చేసారు. ఈ సినిమాని చూసిన దర్శకుడు వంశీ, నాగార్జున, కార్తిలను ప్రశంసిస్తూ ట్వీటర్ లో మెసేజ్ లు పెట్టారు.

“‘ఇన్ టచబుల్స్’ సినిమా నా ఫేవరేట్ సినిమా. ఆద్యంతం భావోద్వేగాలతో నిండి ఉండే ఆ సినిమాను వంశీ తెలుగులో తీస్తున్నట్లు తెలిసినపుడు, వంశీ ఆ సినిమాను సరిగ్గా తీయలేరని భావించాను. కానీ ఆయన అత్యద్భుతంగా తీసి నా అభిప్రాయం తప్పని నిరూపించారు. అందుకు వంశీకి థాంక్స్. కార్తి అత్యద్భుతంగా నటించాడు. నాగార్జునగారు రొటీన్ కి భిన్నంగా చేసి ఒక కొత్త ఒరవడిని సృష్టించారు. ఈ సినిమాను నిర్మించిన పీవీ గారికి, చిత్ర యూనిట్ కి మనస్పూర్తిగా అభినందనలు తెలియజేసుకొంటున్నాను. ఈ సినిమా మన మనసులని చిరకాలం వెంటాడుతుంది. కనుక ఎవరూ ఈ సినిమాని మిస్ అవ్వొదు,” అని ట్వీట్ చేసారు.

ఈ సినిమాపై “ఈ వేసవి డంకా బజాయించినట్లు మొదలయింది. ఊపిరి సినిమా గురించి చాలా గొప్పగా వింటున్నాను. నాగార్జున సర్ మీకు ఊపిరి సినిమా యూనిట్ సభ్యులు అందరికీ నా అభినందనలు,” అని హీరో నితిన్ కూడా ట్వీట్ మెసేజ్ పెట్టాడు.