రాజ‌శేఖ‌ర్ త‌న‌య శివానీ క‌థానాయ‌క‌గా రాబోతోంది. బాలీవుడ్‌లో విజ‌యం సాధించిన టూ స్టేట్స్ రీమేక్‌లో ఆమె న‌టించ‌బోతోంది. ల‌క్ష్య ప్రొడ‌క్ష‌న్స్ సంస్థ ఈ చిత్రాన్ని తెర‌కెక్కిస్తోంది. అడివి శేష్ క‌థానాయ‌కుడు. వెంక‌ట్ రెడ్డి ద‌ర్శ‌క‌త్వంలో ఎం.ఎల్‌.వి.స‌త్య‌నారాయ‌ణ ఈ చిత్రాన్ని నిర్మిస్తున్నారు. శివాని తొలి చిత్రం కోసం ఎన్నో కథలు విన్నప్పటికీ నటన కు ఎంతో ఆస్కారం ఉన్న ఈ కథను ఎంచుకోవడం విశేషం. బ్యూటీఫుల్ ల‌వ్ అండ్ రొమాంటిక్ ఫ్యామిలీ ఎంట‌ర్ టైన‌ర్‌గా ఈ సినిమా తెరకెక్క‌నుంది. దర్శకుడు వెంకట్ రెడ్డి వి.వి. వినాయక్ తో అసోసియేట్ గా చాలా చిత్రాలకు పనిచేసారు. ఈ సినిమాకు సంబంధించిన మిగ‌తా న‌టీన‌టుల‌ను, సాంకేతిక నిపుణుల వివ‌రాల‌ను త్వ‌ర‌లోనే నిర్మాత‌లు ప్ర‌క‌టిస్తారు. ఈ చిత్రానికి అనూప్ రూబెన్స్ సంగీతం అందిస్తారు.