ఈమ‌ధ్యే నితిన్ హీరోగా నటించిన ‘ఎక్ట్సా ఆర్డ‌న‌రీ’లో ఓ కీల‌క పాత్ర పోషించారు రాజ‌శేఖ‌ర్‌. ఆ సినిమా ప‌రాజ‌యం పాలైంది. కాక‌పోతే… సెకండ్ ఇన్నింగ్స్‌లో రాజ‌శేఖ‌ర్ కు మంచి పాత్ర‌లే ప‌డుతున్నాయి. తాజాగా శ‌ర్వానంద్ సినిమాలో ఓ కీల‌క పాత్ర పోషించాడానికి ఒప్పుకొన్నారు రాజ‌శేఖ‌ర్‌. శ‌ర్వానంద్ క‌థానాయ‌కుడిగా అభిలాష్ రెడ్డి ద‌ర్శ‌క‌త్వంలో ఓ చిత్రం రూపుదిద్దుకొంటోంది. యూవీ క్రియేష‌న్స్ నిర్మిస్తున్న ఈ చిత్రంలో మాళ‌వికా నాయ‌ర్ క‌థానాయిక‌. ఇందులో రాజ‌శేఖ‌ర్ ఓ కీల‌క పాత్ర పోషిస్తున్నారు. ఇటీవ‌ల రాజ‌శేఖ‌ర్ సెట్లో కూడా అడుగు పెట్టారు. ఆయ‌న‌ది ఫుల్ లెంగ్త్ క్యారెక్ట‌ర్ అని తెలుస్తోంది. అయితే నెగిటీవ్ క్యారెక్ట‌ర్ మాత్రం కాదు.

‘లూజ‌ర్’ వెబ్ సిరీస్‌తో మంచి పేరు తెచ్చుకొన్న అభిలాష్ రెడ్డికి ద‌ర్శ‌కుడిగా ఇదే తొలి సినిమా. ఇదో స్పోర్ట్స్ డ్రామా. ఇందులో శ‌ర్వా బైక్ రైడ‌ర్‌గా క‌నిపించ‌బోతున్నాడు. శ‌ర్వా న‌టిస్తున్న 36వ చిత్ర‌మిది. శ‌ర్వా ప్ర‌స్తుతం శ్రీ‌రామ్ ఆదిత్య ద‌ర్శ‌క‌త్వంలో ‘మ‌న‌మే’ అనే చిత్రంలో న‌టించారు. ఆ సినిమా షూటింగ్ దాదాపుగా పూర్త‌య్యింది. అందుకే ఇప్పుడు ఈ స్పోర్ట్స్ డ్రామాపై పూర్తి స్థాయిలో దృష్టి పెట్టారు.