నిన్నటి తరం హీరోలందరు ఇప్పుడు తమకు తగ్గ క్యారక్టర్స్ లో రానిస్తున్నారు. వారిలో ముందుగా చెప్పుకోవాల్సి వస్తే జగపతి బాబు వస్తాడు. నిన్నటిదాకా సోలో హీరోగా చేసిన జగ్గూ భాయ్ సడెన్ గా లెజెండ్ లో బాలయ్యకు పోటీగా రంగంలో దిగి సూపర్ హిట్ అయ్యాడు. ఇక అదే అధునుగా జగపతికి మంచి పాత్రలు వేస్తూ కెరియర్ మళ్లీ ఊపందుకునేలా చేసుకున్నాడు. అయితే ఇప్పుడు అదే దారిలో మరో యాంగ్రీ యంగ్ మ్యాన్ విలన్ అండ్ స్పెషల్ రోల్స్ కు సై అంటున్నాడట. మొన్నటిదాకా సోలో హీరోగా తెగ ట్రై చేసిన రాజశేఖర్ రీసెంట్ గా గడ్డం గ్యాంగ్లో విలన్ గా విజృంభించాడు. ఇక తర్వాత కూడా విలన్ రోల్స్ స్పెషల్ రోల్స్ లో కంటిన్యూ అవుతానని సంకేతాలిస్తున్నాడు రాజశేఖర్.
అలా తను అనుకున్నాడే లేదో ప్రేమకథల స్పెషలిస్ట్ తేజ తనకు పిలిచి మరి అవకాశం ఇచ్చాడు. రీసెంట్ హోరా హోరీ అట్టర్ ఫ్లాప్ తో ఎక్కువ టైం తీసుకోకుండా వెంటనే సినిమా చేస్తున్నాడు డైరక్టర్ తేజ. ఈ సినిమా ప్రతినాయకుడి రోల్ ఇంపార్టెంట్ గా సాగే కథ అట. అందుకే ఇందులో విలన్ గా రాజశేఖర్ ని తీసుకునే ఆలోచనతో ఆయన్ని కలిశాడట తేజ. తేజ చెప్పిన కథకు ఇంప్రెస్ అయిన రాజశేఖర్ వెంటనే ప్రాజెక్ట్ కు ఓకే చెప్పాడట.
తేజ సినిమాలో విలన్ గా రాజశేఖర్ అని ఓ వైపు చాటింపేస్తుంటే రాజశేఖర్ క్యాంప్ నుండి మాత్రం తేజ సినిమాలో తానే హీరో అని చెప్పుకుంటున్నాడట. మరి ఇద్దరి డిఫరెంట్ క్యారక్టర్స్ ఉన్న ఈ కాంబినేషన్లో వస్తున్న సినిమా ఎలా ఉంటుందో చూడాలి.
