షో సినిమాతో ఆక‌ట్టుకున్నాడు నీల‌కంఠ‌. మిస్స‌మ్మ త‌న‌కు మంచి గుర్తింపు తెచ్చింది. ప‌లు అవార్డులు అందించింది. దాంతో క్లాస్ ద‌ర్శ‌కుడిగా గుర్తింపు తెచ్చుకున్నాడు. చాలా కాలంగా నీల‌కంఠ ఖాళీగా ఉన్నాడు. అయితే.. ఇప్పుడు మ‌ళ్లీ ఓ స్క్రిప్టు ప‌ట్టుకుని రీ ఎంట్రీ ఇవ్వ‌డానికి రెడీ అవుతున్నాడు. రాజ‌శేఖ‌ర్ కోసం ఓ క‌థ త‌యారు చేశాడు నీల‌కంఠ‌. ఇద్ద‌రి మ‌ధ్య చ‌ర్చ‌లు కూడా జ‌రిగాయి. ఈ సినిమా దాదాపుగా ఫిక్స్ అయిపోయిన‌ట్టే అని టాక్‌. `క‌ల్కి` త‌ర‌వాత రాజ‌శేఖ‌ర్ కొన్ని క‌థ‌లు విన్నాడు. త‌మిళ ద‌ర్శ‌కుడితో ఓ సినిమా కూడా క్లాప్ కొట్టుకుంది.కానీ ముందుకు వెళ్ల‌లేదు. వీర‌భ‌ద్ర‌మ్ చౌద‌రికి ఓకే చెప్పాడు. కానీ ఆ సినిమా ఇప్ప‌టి వ‌ర‌కూ ప‌ట్టాలెక్క‌లేదు. ఇప్పుడు నీల‌కంఠ లైన్ లోకి వ‌చ్చాడు. నీల‌కంఠ‌పై న‌మ్మ‌కం ఉంచొచ్చు. సినిమా ఆర్థికంగా ఎలాంటి ఫ‌లితాన్ని తీసుకొచ్చినా.. త‌న ప్ర‌య‌త్నం మాత్రం ఎప్పుడూ మంచి మార్కులు తెచ్చుకుంటూనే ఉంటుంది. రాజ‌శేఖ‌ర్ కూడా నీల‌కంఠ‌తో ప్రాజెక్టు ముందుకు తీసుకెళ్ల‌డానికే మొగ్గు చూపుతున్న‌ట్టు టాక్‌. త్వ‌ర‌లోనే ఈ కాంబోపై ఓ అధికారిక ప్ర‌క‌ట‌న రావొచ్చు.