ఈమ‌ధ్య ర‌జ‌నీకాంత్ జోరుగా సినిమాలు చేస్తున్నాడు. క‌బాలి, కాలా, రోబో 2.ఓ… ఇప్పుడు `పేటా`. దీని త‌ర‌వాత మురుగ‌దాస్ తో ఓ క‌థ ఓకే అయ్యింది. 2019 ప్ర‌ధ‌మార్థంలో ఈ సినిమా సెట్స్‌పైకి వెళ్తుంది. ప్ర‌స్తుతం `పేటా` పై దృష్టి పెట్టాడు ర‌జ‌నీ. ఇందులో రెండు పాట‌లు కూడా విడుద‌లై… హ‌ల్ చ‌ల్ చేస్తున్నాయి. ఈ చిత్రంలో ర‌జ‌నీ పాత్రేమిట‌న్న‌ది స‌స్పెన్స్‌గా మారింది. ర‌జ‌నీ డాన్‌గా క‌నిపిస్తాడ‌ని ప్ర‌చారం జ‌రిగింది. అయితే.. ఇందులో ర‌జ‌నీ లేడీస్ హాస్ట‌ల్ వార్డెన్ పాత్ర‌లో క‌నిపించ‌బోతున్నాడ‌ట‌.

సైన్యంలో ప‌నిచేసిన క‌థానాయ‌కుడు అక్క‌డ ప‌ద‌వీ విర‌మ‌ణ పొంది.. ఓ లేడీస్ హాస్ట‌ల్‌లో వార్డెన్‌గా చేర‌తాడ‌ని, అక్క‌డే ‘పేటా’ క‌థ అనేక మ‌లుపులు తిరుగుతుంద‌ని చెన్నై ఫిల్మ్ వ‌ర్గాలు చెబుతున్నాయి. కార్తీక్ సుబ్బ‌రాజ్ ద‌ర్శ‌క‌త్వం వ‌హిస్తున్న ఈ చిత్రంలో త్రిష క‌థానాయిక‌. సిమ్రాన్‌, న‌వాజుద్దీన్ సిద్దికీ కీలక పాత్ర‌లు పోషిస్తున్నారు.