ఇండియన్ సినిమాల్లో ఐశ్వర్య రాయ్ ది ఒక ప్రస్థానం మరి అలాంటి ఐశ్వర్య రాయ్ తో తనని పోల్చారని తెగ సంబర పడుతుంది అమెరికన్ బ్యూటీ అమీ జాక్సన్.. మద్రాసి పట్టణం సినిమాతో సౌత్ సినిమాల్లోకి అడుగుపెట్టిన ఈ భామ అనతి కాలంలోనే స్టార్ హీరోయిన్ అవతారమెత్తింది. ఇక బాలీవుడ్ లో కూడా క్రేజీ సినిమాలు చేసి అక్కడ అభిమానులను సంపాదించుకుంది. ప్రస్తుతం శంకర్ ప్రతిష్టాత్మకంగా తెరకెక్కిస్తున్న రోబో 2.0 సినిమాలో అమీ హీరోయిన్ గా నటిస్తుంది.
రజినికాంత్ సరసన హీరోయిన్ గా నటించడం ఓ గ్రేట్ చాన్స్ అంటూ చెప్పుకొస్తున్న ఈ అమ్మడు తనని ఐశ్వర్య రాయ్ తో పోల్చడంతో ఉబ్బితబ్బిబ్బై పోతుంది. ఇంతకీ తనని ఐశ్వర్య రాయ్ తో పోల్చింది ఎవరో కాదు స్వయానా సూపర్ స్టార్ రజినినే.. రోబో 2.0 షూటింగ్ సమయంలో ఆమె వర్క్ డెడికేషన్ నచ్చిన రజిని అమీజాక్సన్ కు ఐశ్వర్య రాయ్ లో ఉన్నంత క్వాలిటీస్ కనబడ్డాయట. అంతేకాదు అమీతో నటిస్తుంటే ఐశ్వర్యతో నటిస్తున్న అనే భావన కలుగుతుందట. మరి పొగడ్తలంటే ఇష్టముండని రజినినే ఇలా ఓ హీరోయిన్ ను పొగడటం కాస్త ఆశ్చర్యంగా ఉన్నా అమీ జాక్సన్ కు ఆ అర్హత ఉంది అంటున్నారు కోలీవుడ్ వర్గాలు. ఇక అంత టాలెంట్ ఉంది కాబట్టే శంకర్ సినిమాలో మరోసారి అవకాశం కొట్టేసింది అమ్మడు. మరి రజిని కోరికున్నట్టుగా అమీజాక్సన్ ఐశ్వర్య అంత ఎత్తుకి ఎదుగుతుందో లేదో చూద్దాం.
