సూర్య నటిస్తున్న 24 సినిమా మే 6న రిలీజ్ అని అఫిషియల్ ఎనౌన్స్ మెంట్ వచ్చేసింది. టైం మిషన్ బ్యాక్ డ్రాప్ కథతో వస్తున్న ఈ సినిమాలో త్రిపాత్రాభినయంలో సూర్య అదరగొట్టేస్తాడని ట్రైలర్ చూస్తేనే తెలుస్తుంది. అయితే తెలుగు తమిళ భాషల్లో ఒకేసారి రిలీజ్ అవుతున్న ఈ సినిమాతో సూపర్ స్టార్ రజిని కబాలి సినిమా ట్రైలర్ రిలీజ్ చేసే ఆలోచనలో ఉన్నారు. పా.రంజిత్ దర్శకత్వంలో అత్యంత ప్రతిష్టాత్మకంగా తెరకెక్కుతున్న కబాలి సినిమాలో రజిని మాఫియా డాన్ గా కనబడనున్నారు.
ముందు కబాలిని కూడా ఏప్రిల్, మే నెలల్లో రిలీజ్ అనుకున్నా సినిమా కొద్దిగా లేట్ అవడంతో జూన్ లో రిలీజ్ చేసేలా ప్లాన్ చేస్తున్నారు. అయితే అప్పటిదాకా కబాలి ట్రైలర్ తో రజిని తన అభిమానులను అలరిస్తాడు.. ఆ ఉద్దేశంతోనే సూర్య 24 తెలుగు తమిళ భాషల్లో రిలీజ్ అయ్యే ప్రతి చోట కబాలి ట్రైలర్ రిలీజ్ చేస్తున్నారట. ఓ పక్క సూర్య 24 సినిమానే భారీ అంచనాలతో రిలీజ్ అవుతుంటే.. ఇక దానికి తోడుగా కబాలి ట్రైలర్ రావడం ఫ్యాన్స్ ఉబ్బి తబ్బిబ్బైపోతున్నారు.
