టాలీవుడ్ లక్కీ బ్యూటీ రకుల్ ప్రీత్ సింగ్ ఇప్పుడు మరింత జోష్ మీదుంది. నాన్నకు ప్రేమతో హిట్ ఆ సినిమా దర్శకుడు సుకుమార్, హీరో ఎన్.టి.ఆర్ లకు ఎంత ఆనందాన్నిచ్చిందో తెలియదు కాని రకుల్ కి మాత్రం ఓ ఫైనల్ ఎక్సాం పాస్ అయినంత పని అయ్యింది. చిన్న హీరోలకు హిట్ ఇచ్చిన రకుల్ స్టార్ హీరోలనేసరికి ఢీలా పడ్డది. కిక్-2, బ్రూస్ లీ అపజయాలు అమ్మడిని కృంగిపోయేలా చేశాయి.
అంతేకాదు స్టార్ హీరోల సినిమాలకు ఐరన్ లెగ్ అనే అపవాదాలు కూడా గట్టిగా వినపడ్డాయి. అయితే వాటినన్నిటిని చెరిపేసి నాన్నకు ప్రేమతోతో సూపర్ హిట్ కొట్టింది. ఈ హిట్ కిక్ తో మంచి మూడ్ లో ఉన్న రకుల్ తన సక్సెస్ కు సంబంధించిన ట్రిపుల్ ఎఫ్ సీక్రెట్ బయటపెట్టింది. తనకు ఇష్టమైనవి మూడు ఉన్నవని వాటినే తను షార్ట్ కట్ లో ట్రిపుల్ ఎఫ్ అని పిలుచుకుంటుంది. మొదట ఫుడ్స్, రెండోది ఫిల్మ్స్ చివరగా మూడోది ఫిట్ నెస్.. ఇలా తనకు ఇష్టమైన మూడింటిని బయట పెట్టేసింది ఈ భామ. నాన్నకు ప్రేమతో హిట్ తో కెరియర్ ఇక తిరుగులేదన్నట్టుగా చేసుకున్న ఈ అమ్మడు ప్రస్తుతం క్రేజీ సినిమాల్లో అవకాశాలను కొట్టేస్తుంది.
